ფეისბუქი: გინორთი გინოჯინეფს შქას

'''ფეისბუქ''' ([[ინგლისურ ნინა|ინგლ.]] Facebook) რე სოციალურ ბონდღი დო [[ვებსაიტ]]. ფეისბუქიქ დირსხუ 2004 წანაშ ფურთუთას დო რე Facebook, Inc-იშ დორხველობას. 2011 წანაშ მუნაჩემეფით, ფეისბუქის ჸუნც 600 მილიონიშ უმოს აქტიურ მუმახვარებელ. მუმახვარებელეფს შეულებჷნა პერსონალურ პროფილიშ ღოლამა, შხვა მაკათურეფიშ გეძინა, მუჭოთ მაჸალეფინ თეშ, მესიჯეფიშ ჯღონა. მაკათურს შეულებ აკათას ბონდღის ნოღაშ, ოხანდებელ აბანიშ, წოფულაშ ვარდა რეგიონიშ მუნაჩემეფიშ მეჯინათ. მაკათურეფს შეულებჷნა ართნერ ინტერესეფ უღუნ ფერ მუმახვარებელეფიშ ბუნას აკათანინ.

2009 წანაშ ღურთუთას [[Compete.com|Compete.com-ქ]] გჷმაბჟინუ რეიტინგ, ნამუშ მეჯინათ ფეისბუქ რდჷ არძოშ უმოსო გოფაჩილ სოციალურ ბონდღი თელქიანას. 2010 წანაშ გჷმათუთას [[ამერიკაშ აკოშქუმალირ შტატეფ|ამერიკაშ აკოშქუმალირ შტატეფს]] ფეისბუქის ჸუნდ 135.1 ვიზიტორგინმაძირაფალ. Social Media Today-შ მუნაჩემეფით, 2010 წანაშ პირელს ააშ-შ მახორობაშ 41.6% რდჷ ფეისბუქიშ მაკათურ.