პერსი ბიში შელი: გინორთი გინოჯინეფს შქას

1816 წ.მერი დო პერსიქ ინგლისშა დირთეს.თე წანასჷთ პერსიშ ოსურქ ჰარიეთიქ დუდ ქელთიშკვიდუ [[ჰაიდ პარკ|ჰაიდ პარკის]]. პერსიქ გეგნოჭყვიდ მერიშ ოსურო მოჸუნაფა, თი მოტივით ხოლო, ნამდა უკულ მუშ სქუალეფიშ მეურვეობაშ ალობა მეუღებუდკო, მარა [[სასამართლო]]ქ ვარია უწუ თეშენ. ახალფანიაფილ პერსი დო მერიქ ბუქინგემშირშა გინილეს, სოდეთ მუნეფიშ მაჸალე [[თომას ფიქოქი]] ოხორანდუნ. თე პერიოდის შელიქ გეჩინებაფუ [[ჯონ კიტსი]]. 1818 წ. შელიქ დოჭარუ ”ლაონი დო ციტნა, ანუ ორქოშ ნოღაშ რევოლუცია”, ნამუთ უკულნეშის გეგნაკეთუ დო გიშაშკუ ახალ დუდჯოხოთ ”ისლამიშ არყაფა”.

== იტალია ==

1818 წ. პერსი დო მერიქ მუშ დაწკუმა კლერ კლერმონტწკუმა წორო იტალიაშა გინილეს. კლერს ბაირონშე ოსურსქუა ჸუნდ ჯოხოთ ალეგრა. ნამუქუთ 5 წანერ რდუნ თეშ ტიფიშ გეშა დოღურუ. შელიქ თე პერიოდის ჭარუ ”გადუდიშებულ პრომეთე”. 1818 დო 1819 წფს. შელიშ ფანიას უბედრობაქ ქიგიოტირხ; თინეფს რომს დუღურეს დიო ბოშ ვილიქ, დო უკულ ახალხაფილ კლარა ევერინაქ. პერსიშ ოსურსქუა ელენა ადელაიდაქ ნეაპოლს დებადუ 1818 წ. მარა წარმოწანერ დო გვერდ რდჷნ თეშ დოღურუ. 1819 წ. შელიქ დოჭარუ მუშ ჩინებურ პოლიტიკურ პოემა ”ანარქიაშ ნიღაბი” დო [[ესსე]] ”რეფორმაშ ფილოსოფიური ხედვა”. 1821 წ. ლეხუანობაშ გეშა დოღურ ჯონ კიტსიქ. შელიქ თიშ ჯოხოშა ჭარ ელეგია ”ადონისი”. 1822 წ. შელიქ დო მუშ ინგლისელ ხუჯიშ დუმაკინეეფქ, პოეტ დო გიშმაშქუმალარ ლეი ჰანთიქ გეგნოჭყვიდეს ბაირონწკუმა წორო გეგშუშქუმალდესკო ჟურნალი ”ლიბერალი”, ნამუთ დეპირისპირებუდ თი ბორჯიშ კონსერვატიულ ინგლისურ პერიოდიკას. 1822 წ. 8 კვირკვეს შელიქ [[ლივორნო]]წკუმა გოხოლუას შტორმიშ ბორჯის დოღურუ. არსებენს ვერსია, ნამდა შელიშ ერქემამ ნიშის ”დონ ჟუანს” ქარაგუ უმოს დიდ ზომაშ ხვამარდიქ. შელიწკუმა წორო დოღურ ჟირ ადამიერქ. გინოჩამათ,ღურაშახ მუსხირენ დღათ ორდო შელის უთქუალ, ნამდა თის უძირუ მუშ ჟირაფილი, ნამუქუთ თის მოხოლაფირ ღურაშენ შეიოტყვინუ. შელიშ ცხედარ მუსხირენ დღაშ უკულ ზუღაქ გეკაათუ. შელიშ ცხედარს ზუღაპიჯის ქუღოლეს [[კრემაცია]]. პროცესიას ოსწრუდეს [[ლეი ჰანტი]] დო ლორდი ბაირონი. შელიშ ფერფლი დოფულეს რომს. საფულეშ ქუას ეშაკვათილ რე ლათინურ ასოეფით მუკნაჭარა ''Cor Cordium'' (გურეფიშ გური).

[[File:Shelley Memorial, University College, Oxford.JPG|thumb|შელიშ მემორიალი ოქსფორდის. ე. ფორდიშ სკულპტურა, 1892.]]