აფხაზური ნინა: გინორთი გინოჯინეფს შქას

აფხაზურ ნინას ხშირას აფხაზურ–აბაზ(ინ)ური ნინაშ [[დიალექტი|დიალექტო]] მიშინუანა. ოდო ლინგვისტური თოლწონუათ ბრელაშო უჯგუში იჸი აფხაზურც დო [[აბაზური ნინა|აბაზურც]] ჟირი შხვადოშხვა ნინათ დობსხუნუნთჷ-და. აფხაზური ნინა ირთუ მუსხირენი დიალექტო, ნამუეფშეთ სუმი [[აფხაზეთი]]შ ტერიტორიას (ბჟადალუშე ბჟაეიოლჸურე) აფხვადუნა: (1) ბზიფური, (2) აბჟუური დო მაართა-მაჟირა დიალექტწკჷმა ალაზიმაფათ ობაღინაფალო ჭიჭე (3) სამურზაყანოშ (ზიტყვა სამურზაყანოშ გეშა თინაქ ვაშმოჩირთან ოკო [[მარგალური ნინა|მარგალური ნინაშ]] სამურზაყანო-ზუგდიდიშ დიალექტშა) დიალექტეფი. შხვა დიალექტეფი ამდღანერი თურქეთიშ ტერიტორიას აფხვადუნა (სადზი, ახჩიფსა დო ცაბალი, თაშნეშე ბზიფი).