ფსიქოლოგია: გინორთი გინოჯინეფს შქას

უჯვეშაშ ბორჯის გორჩქინელ პრიმიტიულ წჷმორინაფეფქ ადამიერიშ რსხულიშ დინოხოლე რინელ მაჟირა სქილედიშ - „შურიშ“ გეშა ფსიქოლოგიაშ ოსხირო გჷნირთჷ. ჩქინ უჯვეშაშ დინოეფს წანდეს, ნამუდა შური ვარ-და „ორო“ თიშ გითოგორუათ რე დაკებულ მუსით თოლი ორწყენ, მუთ არჩქილე ჸუჯის დო მუსით კანი გინაფულენსჷნ. თინეფს მიორჩქჷდეს, ნამუდა ლურიშ ბორჯის შური გიშმეშ რსხულშე დო მუშ რინათ ორდჷ სისმარს. ჯვეშ ცივილიზაციეფქ გეგმიგონეს ფულირ ნძალათ მაღვენჯი [[ღორონთეფი]] დო [[ოსურღორონთეფი]], ნამუეფით გჷშმეჭანუანდეს ადამიერეფიშ შურიშ ოქიანუშ არძო ეუნწყუმუ გჷმორჩქინას: ადამიერიშით რეალობაშ გჷნაფას, ფსიქიკურ მოლასუას, ჸოროფას, გურამობას, ზურებას დო შხვას.