კარელ ჩაპეკი: გინორთი გინოჯინეფს შქას

'''კარელ ჩაპეკი''' (Karel Čapek), (*[[9 ღურთუთა]], [[1890]], [[მალე-სვატონიოვიცე]] ― † [[25 ქირსეთუთა]], [[1938]], [[პრაღა]]), [[XX ოშწანურა|XX ოშწანურაშ]] [[ჩეხეთი|ჩეხი]] ჭარუ. მუში გუმნაგონი რე ზიტყვა "რობოტი", ნამუქჷთ მაართათ გორჩქინდჷ თიშ ნაწარმების ''R. U. R. (Rossum's Universal Robots)''. მაჟირა ნაწარმების, ''სალამანდრეფიშ ლჷმა'', ჩაპეკი უჩა იუმორით ხანტჷნს მუში ჟამიშ გეოპოლიტიკას დო საციგანოთ ეთმიოჸოთანს ნაციონალ-სოციალიზმის. თეშ გეშა [[ადოლფ ჰიტლერი|ჰიტლერქ]] ჩეხოსლოვაკიაშ ეჭოფუაშ მაართა დღალეფს [[გესტაპო]]ს ქჷდავალჷ ჩაპეკიშ ჭოფუა, მარა თე ჟამიშო ჭარუ უკვე ართი წანაშ ღურელი რდჷ, თეშენი თიშ ჯიმას, ჟოზეფის მურთუმურთჷ საკონცენტრაციო ბანაკის შურდგუმაშშურდგჷმაშ თებაქ.

ჩაპეკიქ გორჩქინდუდებადჷ მალე-სვატონიოვიცის, ბოჰემიას. ოშქარი განათლება მიღუ ნოღა ჰრადეკ კრალოვეს, ოდო უკული [[ბრნო|ბრნოს]], სოდგათ ანტიავსრტიულ წირეწკუმა აკიშკუ . უკულნეშის გურაფა აგინძორენს [[პრაღა|პრაღას]] შარლიშ უნივერსიტეტის, [[ბერლინი|ბერლინის]] ფრიდრიხ ვილჰელმიშ უნივერსიტეტისი დო ეკონიას [[პარიზი|პარიზის]] [[სორბონიშ უნივერსიტეტი|სორბონს]]. [[1915]] წანას ითხილუ დისერტაცია.