უდმურტეთი: გინორთი გინოჯინეფს შქას

ამდღანერი უდმურეთიშ ტერიტორიას ოხორანდეს [[ფინურ-უნგრული]] მოდგუმაშ კათეფი - ამდღანერი უდმურტებიშ კჷნოხონეფი. შქა ოშწანურეფს უდმურტეფიშ დიხეფი რუსულ სათაროეფიშ დო [[ყაზანიშ სახანო|ყაზანიშ სახანოშ]] შქას ნირზიშ საგანს წჷმარინუანდჷ. 1552 წანას, სახანოშ დონთხაფაშ უკული, უდმურტეთიშ ტერიტორიაქ [[ყაზანიშ გუბერნია|ყაზანიშ]] დო [[ვიატკიშ გუბერნია|ვიატკიშ გუბერნიეფს]] შქას გირთჷ. უდმურტეფი ვოლგიაშპიჯიშ შხვა კათაწკჷმა ართო აქტიურო მონაწილენდეს [[სტეფანე რაზინი|სტეფანე რაზინიშ]] დო [[ემელიან პუგაჩოვი|ემელიან პუგაჩოვიშ]] ყაზახეფიშ არყებეფს. მა-20 ოშწანურაშ დაჭყაფუს დიჭყჷ რეგიონიშ ორეწუალე ემუშაფაქ (ათვისება), მუსჷთ მახორობაშ შანულამ მიგრაციაქ მაჸუნჷ. რუსეთიშ ოდუდეშა სხუნუეფიშ ხეშუულობაშ მოულაშ უკული, 1920 წანაშ [[4 გერგობათუთა]]ს გეგმიცხადჷ უდმურტეთიშ (ვოტეფიშ) ავტონომიურ ოლქიშ გოჭყაფაშე, ნამუქჷთ 1934 წანაშ [[28 ქირსეთუთა]]შე [[ავტონომიური სხუნუეფიშ სოციალისტური რესპუბლიკა|ავტონომიურ სხუნუეფიშ სოციალისტურ რესპუბლიკათ]] გეგმიცხადჷ. [[მაჟირა საგებიომოსოფელიშ ლჷმა]]შ პერიოდის უდმურტეთშა ევაკუირებულქ იჸუ ბჟადალ ფრონტიშპიჯი საწარმოეფიშ ნორთიქ, ნამუქჷთ რეგიონიშ ორეწუალე გოვითარაფა აკობორკჷ. სხუნუეფიშ კავშირი აკოცჷმაშა ჭიჭეთ ორდო, 1990 წანაშ [[20 ეკენია]]ს, უდმურტეთიქ [[რუსეთი|რუსეთიშ ფედერაციაშა]] მიშულირ რესპუბლიკათ გეგმიცხდჷ.