ინგირწყარი: გინორთი გინოჯინეფს შქას

'''ინგირწყარი''', [[წყარმალუ]] ბჟადალ [[საქორთუო]]ს, [[კავკაციონიშ თარი წყარგჷმმართალი ქჷნდჷრი]]შ ოჩხანე კართეს დო კოლხეთიშ რზენს. ოდუდე უღუ [[უგურყელი|უგურყელჯიშთი]] [[ინგირი (უგურყელიჯიშთი)|ინგირს]], [[ზუღაშ დონე|ზუღაშ დონეშე]] 2614 მ-ს. [[ნოღა]] [[ანარკია|ანაკლიაწკჷმა]] აკათუ [[უჩა ზუღა|უჩა ზუღას]]. სიგირძა 213 კმ, გოჸორიშღანჩოშ ფართობი 4060 კმ². თარი ნადუეფი რე — მარძგვანი: [[ადიშისჭალა]], [[ხალდეჭალა]], [[მულხრა]], [[დოლრაჭალა]], [[ნაკრა (წყარმალუ)|ნაკრა]], [[ნენსკრა]]; კვარჩხანი: [[თხეიში]], [[ხუმფრერი]], [[ლასილი (წყარმალუ)|ლასილი]], [[მაგანა (წყარმალუ)|მაგანა]], [[ჯუმწყარი|ჯუმი]] დო შხვა. ინგირწყარი ჟიმოლენს კვათჷნს [[შონეშ]] ქვიბის, ოდო უკული ტომბა დო ცორქო ლეხერს მეხირჩანს. ჟიმოლენს დო შქა დინაფას წყარმალუშ [[კალაპოტი]] მინჸურე ჭორომიანიე. ნოღა [[ჯვარი|ჯვარწკჷმა]] წყარმალუ გიშმურს [[კოლხეთიშ რზენი|კოლხეთიშ რზენს]], ქიმინუნს ფართო ლეხერს დო იჩხვინჩხვალუ. ოფუტე [[რუხი|რუხიწკჷმა]] ირთუ ჟირი ნოჸელათ, ნამუეფ შქას აშაძჷ 12 კმ სიგირძაშ დო 0,5-2,0 კმ სიგანაშ [[კოკი]]. თიშა გეკიდილი რე ოფუტე [[შამგონა]]. ინგირწყარი აკოწყორილი რდუალაშ წყარმალუ რე; ჟიმოლენს წანური გიმნაველიშ 66%-ის აკმადგინანს თირიშ დო უგურყელიშ წყარი, 22%-ის გრუნტიშ წყარი, 12%-ის ჭვემაშ წყარი, თუდოლენს ოსქვებურო — 18%, 26% დო 56%-ის. ოშქაშე წანური ხარჯი ოფუტე ხაიშიწკჷმა 109 მ³/წმ მანგიე აკაკათაფუწკჷმა 170 მ³/წმ. წყარალა უჩქჷ აფუნს დო ზარხულს, წყარმორჩილი რე ზათონც. ოფუტე ლახამულიშე ოფუტე შამგონაშახ ინგირწყარს ირინუანა ჯა-ტყაშ გიმასიონტაფალო, თუდოლენს — ოწყარალო, ინგირ-გალიშ ოწყარალი არხიშ მეშქაშალათ. ნოღა ჯვარწკჷმა გიკიდჷ [[ინგირწყარიშ ჰიდროელექტროსადგჷმი|ინგირწყარიშ ჰიდროელექტროსადგჷმქ]]. ოფუტე ტობარწკჷმა დოპროექტაფილიე 750 ვითარი. კვტ სიძალიარაშ ტობარჰესიშ გეკიდუა. ინგირწყარიშ მანგას გიშმურს [[სამარგალო|სამარგალოშ]] დო [[აფხაზეთიშ ავტონომიური რესპუბლიკა|აფხაზეთიშ]] რეგიონეფიშ ადმინისტრაციული სანძღო.