ადამი
ადამი (ურიულ. אָדָם, ადამიერი; ართნორჩამი ზიტყვაშე დიხაუჩა ურიულ. אדמה, დიხა დო אדום, ჭითა; ბერძენ. Ἀδάμ, არაბ. آدم) — თორას (ქირსიანობას ჯვეში აპიანე) დო ყურანს მაართა ადამიერი, ღორონთიშით გჷნარჩქინა, ადამიერეფიშ მაართა წოხონერი. ევაშ ქომონჯი, კაენიშ, აბელიშ დო შეთიშ მუმა.
![](http://upload.wikimedia.org/wikipedia/commons/thumb/7/73/God2-Sistine_Chapel.png/430px-God2-Sistine_Chapel.png)
ფრესკა სიქსტეშ კაპელას. მიქელანჯელო
იუდაიზმიშ მეჯინათ, ადამი დო ევა — ადამიერული ურთიართობაშ სამანგა რე. ქირსიანულ თეოლოგიას, ადამი ადამიერიშ სიმბოლო რე მუშ ურთიართობათ ღორონთწკჷმა. ადამს პატისცენა ისლამს, მანდეიზმის დო ბაჰაიზმის.
ჯვეში აპიანეშ მეჯინათ, ღორონთქ ოქიანუშ აკოქიმინუა ამშ დღაშა გათუ თით, ნამჷ-და ადამი გარჩქინჷ დიხაჭაბუშე „მუშ მოგვენური“, თელარაშ შური ინუდგუ დო ოზოჯინეთ გჷნოჩჷ დიახაუჩა დო ირი შურიელი. ადამიშ მითი ყურანსჷთ რე შინელი. თეშ გეშა, ადამი მუსლიმანეფშოთ ადამიერეფიშ წოხონერი რე. ადამიშ ჯოხოწკჷმა რე მერსხილი მიარე ლეგენდა დო ნარაგადუ, ნამუთ აპოკრიფულ დო ბიბლიაშ უკული იუდაისტურ ლიტერატურას მუთმოფხვადჷნა. ადამშე მოურს მარგალურ ზიტყვაქ „ადამიერი“ — ადამიშ გამნარყი.
ლიტერატურა რედაქტირაფა
- ქორთული სხუნუეფიშ ენციკლოპედია, ტ. 1, ხს. 78-79, ქართი, 1975 წანა.