ალექს ჰეილი
ალექსანდერ მიურეი პალმერ ჰეილი (ინგლ. Alexander Murray Palmer Haley; დ. 11 მარაშინათუთა, 1921, ითაკა, ნიუ-იორკი, ააშ — ღ. 10 ფურთუთა, 1992, სიეტლი, ვაშინგტონი, ააშ) — ამერიკალი ჭარუ დო ნოველისტი, შინელი რე რომანით ფოსვეფი: ამერიკული ფანიაშ საგა, ნამუქჷთ გიშართჷ 1976 წანას. წინგის უღუდჷ დიდი პოპულარობა დო უკინებუდჷ მაართა აბანი ნიუ-იორკ თაიმსიშ ბესტსელერეფიშ ერკებულს, 22 მარას. წინგიშ სიუჟეტის რე გერსხილი ABC-შ გინოღალირი მინისერიალი. ტელესერიალი ხოლო პოპულარული რდჷ დო ჸუნდჷ რეკორდული მუდანობაშ აუდიენცია (130 მილიონი მაჯინე).
| ალექს ჰეილი | |
.jpg) ალექს ჰეილი 1980 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 10, 1992 (70 წანერი) |
| ღურაშ აბანი: |
სიეტლი, ვაშინგტონი, ააშ |
| ერუანობა: | |
| საქვარუა: | |
| პერიოდი : |
1960—1992 |
| Magnum opus: |
ფოსვეფი: ამერიკული ფანიაშ საგა (1976) |
| ნინა: | |
| ჯილდოეფი: |
პულიცერიშ პრემია (1977) |
ალექს ჰეილიქ დებადჷ 1921 წანაშ 11 მარაშინათუთას, ითაკას. გურაფულენდჷ ალკორნიშ უნივერსიტეტის. უკულ გურაფა გაგინძორჷ ელიზაბეტ-სიტი კოლეჯის, ნამუთ ვა უთებუ. ჰეილიქ უკულ მუშობა ქიდიჭყჷ ამერიკაშ ოხურგე გვარდიას, სოდეთ 20 წანას იმუშუ. ჰეილი მონაწილენდჷ მაჟირა მოსოფელიშ ლჷმას (რჩქალი ოკიანეშ ოლჷმარი ქიმინჯალეფიშ თეატრი). ჸათე პერიოდის ჭარალუათ დეინტერესჷ. უკულიან წანეფს ჟურნალისტო ხოლო ქიმუშუ. ალექს ჰეილი რე ავტორი შხვადოშხვა ნოველეფიშ. ღურაშახ ჰეილი ჭარუნდჷ ისტორიულ ნოველას "დიაფალი: ამერიკული ფანიაშ ისტორია", ნამუქჷთ ვა თებუ დო ღურაშახ, ამერიკალ ნოველისტის დეივიდ სტევენსის თხუ, გუგრძელებუდუკო. ჸათე წინგის რე გერსხილი მინისერიალი დიაფალი, სოდეთ თარ როლეფს ჰალი ბერი დო დენი გლოვერი არსულენა. თაშნეშე, ალექს ჰეილი რე ავტორი წინგიშ მალკოლმ იქსიშ ავტობიოგრაფია, ნამუთ ამერიკალი ადამიერიშ ნებეფიშ აქტივისტიშ მალკოლმ იქსიშ ბიოგრაფია რე. ალექს ჰეილი რდჷ პულიცერიშ პრემიაშ ლაურეატი 1977 წანას. ჰეილიქ ღურუ 1992 წანაშ 10 ფურთუთას, გურიშ ლახარათ.
რესურსეფი ინტერნეტის რედაქტირაფა
