ანდრია დავითიშ სქი დადიანი (დ. 1850, ზუგდიდი — ღ. 1910, კიევი), ქორთუ მოჭარდაკე დო ჭარდაკიშ მეცენატი. ეკატერინე ჭავჭავაძეშ დო სამარგალოშ თარიშ დავით დადიანიშ სქუა.

ბიოგრაფია რედაქტირაფა

1873 წანას გაათუ ჰაიდელბურგიშ უნივერსიტეტიშ იურიდიული ფაკულტეტი. 1874 წანაშე ნინალენდჷ რუსეთიშ არმიას. უღუდჷ გენერალ-ლეიტენანტიშ ჩინი. ლაჸაფენდჷ ჩინებულ მოჭარდაკეეფკწჷმა (ს. როზენტალი, ს. დიუბუა, ი. შუმოვი, ი. კოლიში დო შხვა) პარიზის, რომს, კიევს, ქართის. 1881—1882 წანეფს ოკათუუდჷ პეტერბურგიშ ოჭარდაკე კლუბიშით მანჯებულ მოჸოროფულეფიშ 2 ტურნირს დო I არდგილეფი დეკინჷ უდუმარცხებუო. 1899 წანას მიჭანეს რსულაშო რუსეთიშ I ტურნირშა, მარა ვა ხოლაფჷ. 1903—1904 წანეფს მონტე-კარლოშ ინტერნაციონალური ტურნირეფიშ პრეზიდენტი რდჷ. წორომოხანდენდჷ თი ბორჯიშ ურცხოურ დო რუსულ ოჭარდაკე ჟურნალეფწკჷმა. აწესენდჷ პრიზეფს სქვამი პარტიეფშო. ინგლისურ ოჭარდაკე ჟურნალქ „ჩეზ მანჷსლიქ“ („The Chess Monthly“) 1892 წანაშ მანგი-კვირკვეშ ნომერი ედომუშამო დადიანიშ აკოქიმინჯალას მეუჯღუნჷ. 1903 წანას შიფერსი, ე. შიფერსიშ აწნარაგადით კიევს ფრანგულ ნინაშა გჷშეშქვინჷ დადიანიშ 100 პარტიაშ დაბოლება. („Fins de Partie du Prince Dadian de Mingr.elie“).

რესურსეფი ინტერნეტის რედაქტირაფა

ლიტერატურა რედაქტირაფა

  • გიორგაძე თ., თამაშობს ანდრია დადიანი, თბ., 1972;
  • გიორგაძე თ., ქსე, ტ. 3, გვ. 329, თბ., 1978