არაბული საგესქუოარაბეთიშ ჩქონიშ დო არხო ბჟაეიოლიშ ქიანეფიშ საგესქუო. არაბული საგესქუოშ გოლინა იძირებე ოორუე აფრიკაშ ისლამურ ქიანეფს.

სტატიეფი თემატიკაშე
არაბეფი
კულტურა
ლიტერატუტა · ჭარალუა · კალიგრაფია · მუსიკა · ჯოხოეფი · საგესქუო · ესთეტიკა
ეთნოგრაფიული ბუნეფი დო ისტორიული ართობეფი
ალჟირალეფი · ბაჰრეინალეფი · ეგვიპტარეფი · იემენარეფი · ისრაელიშ არაბეფი · იორდნალეფი · ერაყალეფი · ირანალი არაბეფი · კატარალეფი · ქუვეითარეფი · ლიბიარეფი · მავრეფი · მაროკოალეფი · ომანარეფი · პალესტინარეფი · საუდარეფი · მორჩილაზიარი არაბეფი (ტაჯიკი არაბეფი) · სირიალეფი · სუდანარი არაბეფი · ტუნისარეფი · თურქი არაბეფი
დიასპორა
(მოჯგირე კათეფი)
ბაგარეფი · დრუზეფი · ურიეფი · კოპტეფი · შრი-ლანკარი მავრეფი · მალტარეფი · მარონიტეფი · მარისკეფი
ნინა
არაბული ნინეფი დო დიალექტეფი · კლასიკური არაბული · ოლიტერატურე ნინა · არაბული არაბული · ეგვიპტურ-სუდანური არაბული · ერაყული არაბული · მაღრიბული ნინა · სირიულ-პალესტინური არაბული · მორჩილაზიური არაბული
არაბული ქიანეფი
ალჟირი · ბაჰრეინი · ჯიბუტი · ეგვიპტე · ბჟადალი საჰარა · იემენი · იორდანია · ერაყი · კატარი · კომორი · ქუვეითი · ლიბანი · ლიბია · მავრიტანია · მაროკო · არაბეფიშ გოართოიანაფილი საამიროეფი · ომანი · პალესტინა · საუდიშ არაბეთი · სირია · სომალი · სუდანი · ტუნისი
რელიგია
ისლამი (სუნიზმიშიიზმი) · ქირსიანობა · მითოლოგია
შხვადოშხვა
პანარაბიზმი · არაბული ქიანეფიშ ლიგა · დოჸუნალობეფი · არაბიზაცია · ნაციონალიზმი

    
მეზე (პეტრა)

ეჭარუა რედაქტირაფა

 
ფალიაფელი

არხო ბჟაეიოლიშ ქიანეფიშ ერუანული საგესქუოს ართიანშე გინორთეფიშ უმკუჯინალო, თინეფს ართიანწკჷმა მიარე საართე უღჷნა, ნამუთ ჩინებული რე ჯოხოდვალათ არაბული საგესქუო. თარ ოჭკომალი პროდუქტეფი რე ოსპი დო პოპოქამეფი, ნამუეფშე შხირას აკეთენა პასტეფს დო შხვადოშხვა ვარიაციფს გჷმირინუანა.

პოპულარული არაბული ოჭკომალეფი:

შხურიშ ხორცი, ქაბაბიშ სახეთ ვარდა ხაშილო — არაბულ საგესქუოს არძაშე გოფაჩილი ხორციშ გვარობა რე. შხურიშ რსხულიშ არძა ნორთი გჷმირინუაფუ, თინეფს შქას შიგანი, დუდი დო ბოჭოკეფი. ოჭკომალი “ჰუზიშო„ ედომუშამი შხურს ჭუნა, ნამუთ ფარშირაფილი რე ქოთომით, მარქვალეფით დო ორზათ. ზადჷნა ჸვინთელი პირით დო ხვარხვით.

ქოთომწკჷმა ართო, ეგვიპტეს დო ოორუე აფრიკას ტორონჯეფსჷთ ჭკომჷნა. ღეჯიშ ხორცი ისლამს ვაშენერებული რე, ნამუსჷთ თაშნეშე რეგიონიშ ქირსიანეფით ძალამ ოშა-გოშათ ჭკომუნა. ზუღაპიჯიშ რეგიონეფს თარ როლს ჩხომი ლაჸაფენს.

ხორცამი ოჭკომალეფს შხირას გჷთმუძინანა ლიმონს, იოგურტის, ჯუმორს (ძიმარს), თამარინდის, ბერწულიშ წვენს ვარდა ჩვაჩვაბის, ნამუთ ოჭკომალს ბჟე გემოს არზენს.

ორტვინობაშ უმენტაში გვარობას ხორცწკჷმა ართო ხაშჷნა. ხვალე ორტვინობაშ ოჭკომალშ ზადუაშ ბორჰჯის გჷთმუძინანა ორზას (ფარშიშ სახეთ). თარ როლს ლაჸაფენს ჯუმორს ინოკარწელი ორტვინობა. შხირას გჷმირინუაფუ ახალი ვარდა სქირაფილი ხილი მუჭოთ ხორციშ გიოჸუნაფალი დესერტი.

ქობალკაკალი რეგიონიშ შანულამი ლაწკარი რე, მორო ორზა კანკალე რეგიონს თაშნეშე შანულამ როლს ლაჸაფენს. კუსკუსი მოურს ოორუე აფრიკაშე დო გიფაჩუ სირიას. შხვა არაბულ ქიანას კუსკუსიშ მანგიორო გჷმირინუაფჷ ბულგური.

არაბულ ქობალს, პიტას, შხირას მინმოდვანა ხაშილი ხორცის დო კარკაზანა მილიშ სახეთ.

დესერტეფი რედაქტირაფა

პოპულარული არაბული გემუანობა, მუხალაბია, ნამუსჷთ ორზაშე აკეთენა. ფართას რე გოფაჩილი პეჩენია ფინიკიშე. ფახლავა — თურქული საგესქუოშ ოჭკომალი. მიარე ოჭკომალს აგემუანენა დიფსით — ფინიკიშ სიროფით — ვარდა თოფურით.

ყავა — რეგიონიშ არძაშე პოპულარული ოშუმალი რე. ყავაშ ზადებაშ დო შუმაშ პროცესი რთულ რიტუალწკჷმა რე მერსხილი, ნამუთ გიშაკერძაფილო სუმარეფიშ შეიოხვამილაფარო. დუდმაართაშე ლაწკარს მოხალჷნა, ნამუსჷთ მეტალიშ კეტიშ უფაჩუანა, მუშ უკული ჩჷნა ოხეხალს გიშშაკერძაფილი რიტმით. ყავას ოფუნუანა ლინჯიშ ვარდა ლატუმიშ ჭკუდის, ნამუთ ჩაიდანს მოგენს. ზათი ოშუმალი მუკმუღჷნა მორჩილი ფინჯალეფით, უნჩაშეფიშ რანწკიშ მეჯინათ. სუმარეფს ყავას სუმშა მუკმუღანა, მუშ უკული სვენათ მარდი გჷნუგუე ოკო მენძელს დო იუარუე ოკო. ყავას შანქარიშ უმუშო შუნა, მარა გემუან ოჭკომალს გეთმიოჸუნუანა — მიხაკი, კარდამონი, კანკალე ქიანას — ჸვინთელი პირი ვარდა მუსკატიშ თხირი. მაჟირა აბანი უკებჷ — უჩა ვარდა ძალამ გემუან ჩაის.

ლიტერატურა რედაქტირაფა

  • Alan Davidson: The Oxford Companion to Food, 2nd ed. Oxford 2006, статьи Arab cuisine, Arabian food и Bedouin food.

რესურსეფი ინტერნეტის რედაქტირაფა


  ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.