ბანკნოტი

ბანკნოტი, კინე ბანკიშ ბილეთი — ფარაშ ოკრედიტე შანი, ნამუშჷთ გიშმაშქვანს ოემისიე ბანკი დო ნამუთ თირანს ლითონიშ ფარაშ მიმოულას. ბანკიშ ბილეთიქ გიჭყჷ ფარაშ, მუჭოთ გინოგაფაშ მეშქაშალაშ გოვითარაფაწკჷმა ართო; წარმაფაშ დო მეკონრთაფაშ ძინაწკჷმა ართო ლითონიშ ფარაშ მანგიორო ნორთობურო გჷმირინუანდეს კომერციულ თამასუქის, ნამუთ ჭიეჭიეთ დოთირჷ ბანკიშ ბილეთიქ. ბანკიშ ბილეთის გიშმაშქვანდჷ დახე არძა ბანკი; ბანკიშ ბილეთიშ რეგულირაფილი ემისია სახენწჷფოშით ინგლისიშ ბანკიშ დორსხუაფათ, 1694 წანას, დიჭყჷ. 1833 წანას, ბანკიშ ბილეთიქ ინგლისიშ ერუანულ ფარათ გჷნირთჷ დო გინოგაფაშ მეშქაშალაშ კანონიერი ნება მიპალჷ. საფრანგეთის ბანკიშ ბილეთიქ ერუანული ფარაშ შანო გჷნირთჷ 1800-1803 წანეფს; გერმანიას (პრუსიას) – 1846 წანას დო ნიდერლანდელეფს – 1814-1830 წანეფს. ბანკიშ ბილეთი ორქოშა გჷნახურდალი ვალდვალუა რე. ბანკიშ ბილეთიშ ორქოშა გჷნოხურდაფა კერზო პიჯის ვეშულებჷ.

შხვადოშხვა ბანკნოტეფი

რესურსეფი ინტერნეტის

• Shishanov V. The Assignats of 1802-1803 Archived 2010-07-13 ვებ-ხასჷლას Wayback Machine.

ლიტერატურა

• ქსე, ტ. 2, გვ. 193-194, თბ., 1977