ბურეფი
ბურეფი, თაშნეშე ჩინებული მუჭოთ აფრიკანარეფი — ჰოლანდიარი გინოხორაფილეფიშ გამნარყეფი ობჟათე აფრიკას. ჯვეშჰოლანდიურ ნინაშა ზიტყვა ბურ შანენდჷ ყაზახის. ბურეფიშ ნინას ჯოხო აფრიკაანსი. [1]
XVII ოშწანურას, ჰოლანდიურ ოსტ-ინდურ კომპანიაქ დიჭყჷ კეთილი იმენდიშ კოდმეშ გჷმორინაფა ოჭკომალიშ დო წყარიშ ხაზირეფიშ გაფშაფალო ბჟაეიოლშე შარალუაშ ბორჯის. 1652 წანას, კომპანიაშ 60 მოხელექ იან ვან რიბეკიშ დუდალათ ქჷდარსხუეს მაართა ჰოლანდიური ოხორუე. გინოხორაფილეფს შქას ჩინებული პიჯი რდჷ საიმონ ვან დერ სტელი, სტელენბოშიშ დჷმარსხუაფალი. XVII ოშწანურაშ ბოლოს, ლუდოვიკო XIV-იშით ნანტიშ ედიქტიშ გოუქვაფაშ უკული აფრიკაშ ობჟათეშე დუდმიოფორუ ქოძირეს ფრანგი ჰუგენოტეფიშ ფანიეფქ. ჰოლანდიარეფს დო ფრანგეფს შქას მოხვალამირი დაკეფიშ გეშა ჰოლანდიურ ოსტ-ინდურ კომპანიაქ გოხურგუ იმიგრაცია.
XVIII ოშწანურას, ოორუეშე ბურეფქ მიოჭირინეს წყარმალუ ორანჟის. თე წყარმალუშ წყარპიჯის ბურეფს ქჷდოხვადჷ ბანტუნინამ მახორობაქ, ნამუეფქჷთ ბურეფს ოურდუმე აწმარენჯობა გუწიეს.
საქორთუოშ სახენწჷფო მინისტრი დიასპორეფიშ ოკითხირეფს, მირზა (პაპუნა) დავითაიაქ აფრიკას ვიზიტით რინაშ ბორჯის, ბურ ფერმერეფწკჷმა გოფორმაფილი მემორანდუმი ქჷმიღჷ.[2] მემორანდუმიშ არძაშე შანულამი ბირგული რე მერძიაფა, ნამუთ ოხუ ბური ფერმერეფიშ ბიზნესიშ გინოღალას საქორთუოშა. 40 000 ბური ფერმერიშ ჯოხოთ საქორთუოშა ქჷმორთჷ ბურ ფერმერეფიშ დელეგაციაქ, ნამუსჷთ საქორთუოშ პოლიციაშ ეფექტურალა პიჯულო დინოხოლენ საქვარეფიშ მინისტრიქ გაჩინებაფუ. ბური ფერმერეფიშ შილებუამი საქორთუოს დოხორაფაქ გჷმიჭანუ სერიოზული დება ქორთულ ჯარალუას[3]დო ინტერნეტ ოფირჩას.
თაშნეშე ქოძირით რედაქტირაფა
სქოლიო რედაქტირაფა
- ↑ ენციკლოპედია "მოსოფელიშელახ", ბურეფი, გჷნიმორსჷ 2010 წანაშ 14 გჷმათუთას.
- ↑ ტელეკომპანია რუსთავი 2, "პოსტ-სკრიპტუმი".
- ↑ Грузинские лейбористы не хотят "переселения в Грузию южно-африканских буров" Archived 2010-10-16 ვებ-ხასჷლას Wayback Machine. ; newsgeorgia.ru.