დჰანბადი (ჰინ. धनबाद, ბენგ. ধানবাদ, ინგლ. Dhanbad) — ნოღა ინდოეთიშ შტატი ჯარხანდის, დჰანბადიშ ოლქიშ ადმინისტრაციული ცენტრი. მახორობაშ მუდანობათ შტატი ჯარხანდიშ მაჟირა ნოღა (ჯამშედპურიშ უკული)[1]. 2011 წანაშ ეჭარუაშ მუნაჩემეფით, ინდოეთიშ თი 53 ნოღას შქას, ნამუშ მახორობა 1 მლნ-შე უმოსი რე, ნოღა 42-ა აბანს რე. მიშნაველიშჸურე, დჰანბადიშ რკინაშშარა მაჟირა აბანს რე მუმბაიშ რკინაშშარაშ უკული.
დჰანბადი ჩინებულიე ქუანოშქერიშ მოპალაფათ. ფუნქციონირენს თე მემართულებაშ მუდგაზჷმარენი შხუ კომპანია.
ნოღა ზურაშ დონეშე 221 მეტრას რე აკოგაფილი. თიში გეოგრაფიული სიგჷრძა 24 კმ რე, სიგანა - 16 კმ. კლიმატი გინმალი ლექინი სუბტროპიკულშე ტროპიკულ ტენიან დო სქირე. ტემპერატურაშ პიკიქ ზარხულს შილებე 47 °C-ს ქიმიოჭირინუას. ზოთონჯს მინიმალური ტემპერატურა 12 °C-შახ ირკენს, მაქსიმალური - 22 °C რე.
Dhanbad, ტურისტული მანჯღვერე Wikivoyage-ს