ფიზიკას ენერგია (ბერძენ. ἐνέργεια — აყარება) — სიდიდა, ნამჷთ შილებე ორხელუდას ნამდგაინ წულუკის, ანაგის ვარდა ანაგეფიშ აკოკათაფას დო გაამა რე აყარებაშ დო ართიანქიმინუაშ მუზმაიანური ზიმუს. ენერგიაშ შხვადოშხვა ფორმეფი იკათუანს კინეტიკურ ენერგიას, პოტენციურ ენერგიას, სიტიბურ ენერგიას, გრავიტაციულ ენერგიას, დირიკუაშ ენერგიას, დო შხვა. ენერგიაშ შხვადოშხვა ფორმეფს შხირას ჯოხო ჯოხო თინაწკჷმა მერცხუაფილი (ასოცირაფილი) ნძალაშ მეჯინათ. გერმანალი ფიზიკოსიქ ჰერმან ფონ ჰელმჰოლციქ დადგინჷ, ნამდა ენერგიაშ არძა ფორმა მანგი რე — ართი ფორმაშ ენერგიაქ შილებე გოდინას, მარა ენერგიაშ კინ თი მუდანობა იქიმინუაფუ შხვა ფორით.[1] ენერგია ჩუალირი დო სკალარული ფიზიკური სიდიდა რე. SI სისტემას ენერგიაშ ართოული რე ჯოული, გაუსიშ ართოულთა სისტემას ერგი. მინი შხვა ნორთეფს ენერგიაშ ართულო გიმირინუაფუ ხოლო კილოვატ-სათი დო კალორია.

ვალი რე ჰავაშ ელექტრული ხირატუაშ ჸოფიერება გიშაწვიებული ნძალიერი ელექტრული ვეეთ. ათე ბორჯის ელექტრული ვეეშ პოტენციური ენერგია გინიქიმინუ სიტიბათ, სინთეთ დო სიმო ნამუეფით ენერგიაშ გინორთელ ფორმაშ გამა რე.

სქოლიო რედაქტირაფა

  1. R. Resnick and D. Halliday (1960), Physics, Section 22-1 (Heat, a Form of Energy), John Wiley and Sons, Library of Congress Catalog Card Number 66-11527