ვანდერბილტიშ უნივერსიტეტი

ვანდერბილტიშ უნივერსიტეტი (ინგლ. Vanderbilt University, ვაოფიციალურო Vandy ვარ და VU) — კერძო უნივერსიტეტი ააშს, ტენესიშ შტატიშ ნოღა ნეშვილს. უნივერსიტეტი ამერიკალი მაგნატიშ დო ფილანთროპიშ კორნელიუს ვანდერბილტიშ ჯოხონობაშ რე, ნამუშ ფინანსური მოხვარათ დირსხუ უნივერსიტეტიქ 1873 წანას.

ვანდერბილტიშ უნივერსიტეტი
ინგლ. Vanderbilt University

ლათ.: Universitas Vanderbiltia
დევიზი Crescere aude (ლათ.)
დირსხუ 1873
ტიპი კერძო
ფონდეფი $ 10.9 მლრდ. (2021)
წორომახანდე 9,253
კანცლერი დენიელ დირმაიერი
პროვოსტი კასანდრა რეივერი
სტუდენტი 13,796 (2021)
ორენი ამერიკაშ აკოართაფილი შტატეფიშ შილა ნეშვილი, ტენესი, ააშ
კამპუსი ურბანული (1.3 კმ²)
ფერეფი უჩა დო ორქოშფერი
საიტი vanderbilt.edu

ვანდერბილტიშ უნივერსიტეტის ჸუნს 13,800 სტუდენტი მოსოფელიშ 100 ქიანაშე. 2021 წანაშ მუნაჩემეფით უნივერსიტეტის ჸუნს 9,253 წორომოხანდე, ჸათავრეშე 4,783 აკადემიური პერსონალი რე. ვანდერბილტიშ უნივერსიტეტი კლასიფიცირებული რე მუჭოთ R1: ოდოქტორე უნივერსიტეტი, მაღალი რკვიებეფიშ აქტივიზმიშ უნივერსიტეტი. უნივერსიტეტიწკჷმა რე აფილირებული რკვიებეფიშ შხვადოშხვა ცენტრეფი დო ინსტიტუტეფი: რობერტ პენ უორენიშ ჰუმანიტარული ცენტრი, დუდიშალაშ ფორუმი, დაიერიშ ობსერვატორია, ომედიცინე ცენტრი დო შხვეფი.

2021 წანაშ მუნაჩემეფით ვანდერბილტიშ უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ნობელიშ პრემიაშ 7 ლაურეატი, პულიცერიშ პრემიაშ 3 ლაურეატი, 27 როდსიშ სტიპენდიანტი, 6 მაკარტურიშ სტიპენდიანტი, ამერიკაშ 2 ვიცე-პრეზიდენტი, 13 გუბერნატორი, 11 მილიარდერი, გრემიშ 1 გომორძგვილი, ოსკარეფიშ 2 გომორძგვილი დო ოლიმპიური ლაჸაფეფიშ 5 მედალოსანი.

ვანდერბილტიშ უნივერსიტეტი ამერიკაშ ართ-ართი პრესტიჟული დო რეიტინგული უნივერსიტეტი რე. Reuters-იშ რეიტინგით ვანდერბილტიშ უნივერსიტეტი მოსოფელიშ მასშტაბით მავითა ინოვაციური უნივერსიტეტი რე. U.S. News & World Report-იშ რეიტინგეფს, 2021 წანაშ მუნაჩემეფით, უნივერსიტეტის უკინებჷ 14-ა აბანი ააშ-იშ მასშტაბით. მოსოფელიშ უნივერსიტეტეფიშ აკადემიურ რეიტინგის ვანდერბილტიშ უნივერსიტეტის უკინებჷ 62-ა აბანი.

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: