ვერნერ ფონ ბრაუნი
ვერნერ მაგნუს მაქსიმილიან ფრაიჰერ ფონ ბრაუნი (გერმ. Wernher Magnus Maximilian Freiherr von Braun; დ. 23 მელახი, 1912, ვიჟისკი, პრუსია, გერმანიაშ იმპერია — ღ. 16 მანგი, 1977, ალექსანდრია, ვირჯინია, ააშ) — გერმანალი-ამერიკალი მენცარი. რდჷ ნაციონალ-სოციალისტური გერმანული მუშეფიშ პარტიაშ დო შუცშტაფელიშ (SS) მაკათური, თაშნეშე გერმანული რაკეტული ტექნოლოგიეფიშ გოვითარაფაშ თარი ფიგურა დო ამერიკული კოსმოსური დო რაკეტული ტექნოლოგიეფიშ პიონერი.
| ვერნერ ფონ ბრაუნი | |
| გერმ. Wernher von Braun | |
 ვერნერ ფონ ბრაუნი 1960 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 16, 1977 (65 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ვერმახტი |
| ალმა-მატერი: |
ბერლინიშ ტექნიკური უნივერსიტეტი |
| ომენცარე ხემანჯღვერი: |
ერიხ შუმანი |
| ჯილდოეფი დო პრემიეფი: |
ელიოტ კრესონიშ მენდალი (1962) |
| ხეშმოჭარუა: |
|
.svg){kind=small}
ვერნერ ფონ ბრაუნი გურაფულენდჷ მექანიკურ ინჟინერიას ბერლინიშ ტექნიკურ უნივერსიტეტის, ნამუთ გათუ 1932 წანას. ბრაუნიქ უკულ გურაფა გაგინძორჷ ბერლინიშ ფრიდრიხ ვილჰელმიშ უნივერსიტეტის, სოდეთ მიპალუ დოქტორიშ ხარისხი ფიზიკას 1934 წანას. ბრაუნი ართ პერიოდის, 1931 წანაშ მანგიშე გჷმათუთაშა, გურაფულენდჷ ციურიხიშ ფედერალური ტექნოლოგიეფიშ ინსტიტუტის ხოლო. გურაფაშ თებაშ უკული 1930-იან დო 1940-იან წანეფს ბრაუნი მუშენდჷ გერმანიაშ რაკეტეფიშ გოვითარაფაშ პროგრამაშო. მაჟირა მოსოფელიშ ლჷმაშ ბორჯის, ბრაუნიშ ინიციატივათ დო დიზაინით იკეთინჷ მოსოფელიშ მაართა ბალისტიკური რაკეტა ფაუ-2-ქ. მაჟირა მოსოფელიშ ლჷმაშ უკულ, ამერიკალეფქ ბრაუნი ოჭოფეს დო მუში ბუნაწკჷმა ართო, დოხოლაფირო 1600 მენცარი დო შხვა პერსონალი, ამერიკაშა მიდეჸონეს. ამერიკას, ბრაუნიქ ქიდიჭყჷ ოშქაშე რადიუსიშ ბალისტიკური რაკეტეფიშ გოვითარაფა. ბრაუნიქ ეიოგჷ რაკეტა ნამუქჷთ 1958 წანას კოსმოსიშა გიშეჸონჷ ხელუანური ალმაშარე Explorer 1. 1960 წანაშე ბრაუნი დო თიში ბუნა ნასას მუშენდეს. ჸათაქ ბრაუნი რდჷ მარშალიშ კოსმოსური ცენტრიშ დირექტორი დო ლონჩერიშ (launch vehicle) სატურნ V-შ თარი არქიტექტორი.
ვერნერ ფონ ბრაუნი რდჷ შხვადოშხვა პრემიეფიშ დო ჯილდოეფიშ ლაურეატი. 1967 წანაშე ბრაუნი რდჷ ამერიკაშ ინჟინერიაშ ასოციაციაშ მაკათური. 1962 წანას მიპალუ ელიოტ კრესონიშ მენდალი დო 1975 წანაშ მენცარობაშ ერუანული მენდალი.
ვერნერ ფონ ბრაუნი მერჩქინელი რე კოსმოსური შარალუაშ მუმათ, რაკეტული ტექნოლოგიეფიშ მუმათ დო ამერიკაშ თუთაშ პროგრამაშ მუმათ. ფონ ბრაუნი თაშნეშე რდჷ პლანეტა მოროხიშ კოლონიზაციაშ პროპონენტი.
რესურსეფი ინტერნეტის რედაქტირაფა
- The capture of von Braun and his men – At the U.S. 44th Infantry Division website (archived)
- Wernher von Braun page – Marshall Space Flight Center (MSFC) History Office (archived)
- Missile to Moon: PBS documentary about evolution of Huntsville to "Rocket City" and Werhner von Braun
- "The Disney – von Braun Collaboration and its Influence on Space Exploration" – by Mike Wright, MSFC (archived)
- Remembering Von Braun – by Anthony Young – The Space Review Monday, 10 July 2006
- FBI Records: The Vault – Wernher VonBraun files at vault.fbi.gov
- Wernher von Braun Collection, The University of Alabama in Huntsville Archives and Special Collections