ზარათუშტრა
ზარათუშტრა (ირან., ბერძენ. ზოროასტრი) — ჯვეში სპარსული რელიგიაშ რეფორმატორი — ზოროასტრიზმიშ დჷმარსხუაფალი დო წჷმიწორემორაგადე. მენცარობას დოდგენილი რე, ნამჷ-და ზარათუშტრა ისტორიული პიჯი რე. ავესტას რე თიშ ჩინებეფი გვარიშენ, ოსურსქუაშე დო ომაჸალეეფშენ. ზარათუშტრაშ რინაშ დო მოღალობაშ ბორჯი ზუსტას ვარე ჩინებული. ვარაუდენა, ნამჷ-და თინა ცხოვრენდჷ ჯვ. წ. X ოშწანურაშ დო VI ოშწანურაშ I გვერდიშ ოშქაშე პერიოდის. ოდებელი რე ზარათუშტრაშ ოდაბადეშ საკითხი ხოლო. მარკვიალეფიშ უმენტაშობა ფირქენს, ნამჷ-და ზარათუშტრა ოხორანდჷდო მოღალენდჷ ბჟეიოლ ირანს. ზოროასტრული ტრადიციათ - თიშ ოდაბადე აზერბაიჯანი რე. ზარათუშტრას მიოჭარანა გათეფიშ (ავესტაშ უჯვეშაში ნორთი) აკოქიმინუას. დაშქუმალარი რე, ნამჷ-და ზარათუშტრა რდჷ არიული რელიგიაშ ქურუმი დო მუშ ახალ მონძღვარობას ეისქილიდუ არიული რელიგიაშ ინსტიტუტეფი დო მიარე რელიგიური ტერმინი. გათეფიშ მეჯინათ, ზარათუშტრაშ მონძღვარობას მუშ ქიანას წჷმოძინა ვაუღუდჷ, თინა რტებე დო დუდ ქუფორუაფჷ ქავი (მაფა) ვიშტასპაშ კარშა. ვიშტასპაა დო თიშ დოჸუნარეფქ მიღეს ახალი რელიგია დო ხე უნწყუეს თიშ გოფაჩუას. „მორჩილ ავესტას“ ზარათუშტრა უკვე მითურ პიჯო, ღორონთკოჩო მუთმოფხვადჷნა.
.jpg)
ლიტერატურა რედაქტირაფა
- ქორთული სხუნუეფიშ ენციკლოპედია, ტ. 2, ხს. 483, ქართი, 1977 წანა.