იბნ ბატუტა

იბნ ბატუტა (არაბ. أبو عبد الله محمد ابن بطوطة; ედომუშამი ჯოხო დო გვარი რე: აბუ აბდ ალ-ლაჰ მუჰამად იბნ აბდ ალ-ლაჰ ალ-ლავატი ალ-ტანჯი; დ. 24 ფურთუთა 1304, ტანჟერი — ღ. 1377, ფესი) — არაბი მეშარე დო ვაჭარი.

იბნ ბატუტა
أبو عبد الله محمد بن عبد الله اللواتي الطنجي بن بطوطة
მოღალობა	მეშარე, ვაჭარი, გეოგრაფი დო მარკვიალი
ბიოგრაფიული ჩინებეფი
დაბადებაშ თარიღი	24 ფურთუთა, 1304
დაბადებაშ აბანი	ტანჟერი, მაროკო
ღურაშ თარიღი	1377, (64–65 წანერი)
ღურაშ აბანი	ფესი, მაროკო
რელიგია	ისლამი

1325 წანას, მაროკოშე მიდართჷ ჰაჯიშ ოსრულებერო (ოხვამერო); იშარუ ეგვიპტეშა, არაბეთშა, ირანშა, მესოპოტამიაშა, სირიაშა, მორჩილ აზიაშა, ყირიმშა დო რუსეთიშ ობჟათე ნორთშა (მიოჭირინუ ვოლგაშახ), შქა აზიაშა, ავღანეთშა, ინდოეთშა, ინდონეზიაშა დო ჩინეთშა. 1349 წანას დირთჷ მაროკოშა. დაოხოლაფირო 1349 დო 1352 წანეფიშ შქას, მუსულმანურ ესპანეთშა, 1352-1353 წანეფს ბჟადალ დო ცენტრალურ სუდანშა.

საინტერესო რე იბნ ბატუტაშ დინნაჭარეფი ორქოშ ურდოშ გეშა; ნამუთ იკათუანს ეკონომიკურ, ეთნოგრაფიულ დოა კულტურულ-ორინე ხასიათიშ მიარე ჩინებას.

იბნ ბატუტაქ კილიშკილშა ეჭარჷ კონსტანტინოპოლი, სოდე ელაჸუნდჷ ბერძენეფიშ მაფაშ ცირასქუას, უზბეკიშ ჩილს. ეჭარჷ ინდოეთი, ირანი ჰულაგიუიანეფიშ ბორჯის. იბნ ბატუტაქ მაართაქ მუჩეს კილიშკილი ჩინებეფი მალიშ სახენწჷფოშ დო თიშ მახურგე ოლქეფიშ გეშა.

ლიტერატურა

• ქორთული სხუნუეფიშ ენციკლოპედია, ტ. 5, ხს. 71, ქართი, 1980 წანა.
• Ибрагимов Н. Ибн Баттута и его путешествия по Средней Азии. — М.: Наука, 1988.

რესურსეფი ინტერნეტის

• იბნ ბატუტაშ თოლით ძირაფილი მოსოფელი
• იბნ ბატუტა
• იბნ ბატუტა
• იბნ ბატუტა
• ბატუტა^{[ღურელი რსხილი]}
• იბნ ბატუტა Archived 2016-03-05 ვებ-ხასჷლას Wayback Machine.
• მონეტეფი იბნ ბატუტაშ გჷმოხანტუალათ
• აბუ აბდულა მუჰამად იბნ ბატუტა Archived 2015-05-12 ვებ-ხასჷლას Wayback Machine.