იოსე ქირსეშ ჯვარცუნაფა

იოსე ქირსეშ ჯვარცუნაფა — იოსე ქირსეშ წამება ჯვარმოცუნაფათ, ეპიზოდი, ნამუთ ითებუ იოსე ქირსეშ ნებეფით დო იოსე ქირსეშ მუმალი ნთხორუათ დო ამაღალებათ.

„იოსე ქირსეშ ჯვარცუნაფა“
(ნოვგოროდიშ სკოლაშ ხატი)

სახარებაშული თხობელუეფი

იოსე ქირსეშ ჯვარცუნაფაშე რაგადანს ოთხოლო ევანგეისტი დო ირი მუში თხობელუას გინმოჩანს:

სახარება	ეჭარუა
მათეში (მათე /27:33/-38)	დო ქუმორთ აბანშა, გოლგოთათ გედვალირშა, ნამუთ შანენს: ჸვა-ში აბანს, თის გეიოშუმაფეს ძმარი, წალათი კათაფილი; დო ურაგადუდჷ, შუმა ვაკოდჷნ. ჯვარცუნაფილი იოსეშ მუკაქუნალს გითმირთჷნდეს, კალიშრღვაფათ; დო თექ დოხუნელო, გუთმოჭკირუნდეს; დო თიშ დუდიშ ჟილე მუკაბუნეს მუკნაჭარა, თიში ბრალიშ მაშანაფალი: თენა რე იოსე, იუდეაშ მაფა. თიწკჷმა ჯვარს მაცუნეს ჟირი ავაზაკი: ართი მარძგვანი ჸურე, მაჟირა — კვარჩხანი ჸურე.
მარკოზიში (მარკოზი /15:22/-27)	დო ქიმიჸონეს თ'ინა აბანშა გოლგოთაშა, ნამუთ შანენს: ჸვა-ში აბანს. დო ოშუმაფუანდეს თის წალაკათაფილ ღვინს; მარა თის ვაუშუმჷ. თიშ მაცუნალეფი თიშ მუკაქუნალს გითმირთუნდეს, კალიშრღვაფათ, მის მუ ხვადუდჷკონ. სუმი საათი რდჷ, დო თინა ჯვარს მაცუნეს. დო რდჷ მუკნაჭარა თიში ბრალიში: იუდეაშმაფა. თიწკჷმა ართო ჯვარს მაცუნეს ჟირი ავაზაკი, ართი მარძგვანშე, მაჟირა თიში კვარჩხანშე. დო გერთჷ წჷმიწორენარაგადუ ზიტყვეფქ: დო ავაზაკო მერჩქინელი იჸი. მუკმალუეფი თის ლანძღჷნდეს, დუდს ურქიენდეს დო რაგადანდეს: ეჸ! აკმაცჷმე ოხვამე, ნამუთ სუმ დღას აკმიგაფუდჷნ! ქემეხვარი დუდს დო გაგჷმორთი ჯვარშე.
ლუკაში (ლუკა /23:33/-43)	დო მუჟამსჷთ ქუმორთჷ აბანშა, ჸვაშით გედვალირშა, სოდე მაცუნეს თინა დო ავაზაკეფი, ართი მარძგვანშე, მაჟირა კვარჩხანშე. იოსე რაგადანდჷ: მუმა! უალე თინეფს, ვინდარო ვაუჩქჷნა მუს ორთჷნა. დო თიშ მუკაქუნალს გითმირთჷნდეს, კალიშრღვაფათ. დო გერდჷ კათა დო უჯინედჷ. თინეფწკჷმა ართო გეთმიაძიცანდეს მადუდეეფი ხოლო, დო რაგადანდეს: შხვეფს ოხვარუდჷ; ქემერთას დო მუშ დუდს მეხვარას, იოსე ქირსე, ღორონთიშ გიშნაგორა ქორე-და. თაშნეშე მალიმორეფი ხოლო აწვალენდეს თის, ნამსჷთ მეთმიარზიენდეს ძმარს: სი იუდეაშ მაფა ქორექ-და, დუდს ქემეხვარი. დო თიშ ჟილე რდჷ მუკნაჭარა, ნამუთ ჭარილი რდჷ ბერძენულო, რომაულო დო ურიულო: თენა რე იუდეაშ მაფა. ართ-ართი მოცუნაფილი ავაზაკი თის ეკმაწამენდჷ დო ურაგადუდჷ: სი იოსე ქირსე ქორექ-და, დუდსჷთ ქემეხვარ დო ჩქჷთ. მაჟირა ავაზაკი, სამინოთ, უჟამარუდჷ მაართა ავაზაკის დო ურაგადუდჷ: ვაგოშქურუნო ღორონთშა, მუჟამსჷთ სი ხოლო გოსამართალაფირი რექ თეშენინ? დო ჩქი [გოსამართლაფირი ვორეთ] ნოსამართეთ, თიშ გეშა ნამჷ-და ჩქინი ნამქიმინათი ღირსი ვორეთჷნ, თის მუთუნ გლახა ვაუქიმინჷ. დო უწუ იოსეს: ქუმომშინე, ღორონთი, მუჟამსჷთ სქანი სამოთხეშა ქიმულინ! დო უწუ თის იოსექ: ჭეშმარიტო გირაგადუქ სი, ანწიშე სი ჩქიმწკჷმა სამოთხეს იჸუაფუქ.
იოანეში (იოანე /19:17/-25)	დო, მუში ჯვარიშ ღალაშ ბორჯის, თიქ ქჷმორთჷ აბანშა, ჸვაშით გედვალირშა, ურიულო გოლგოთაშა; თექ ჯვარს მაცუნეს თინა დო ხოლო შხვა ჟირი, ართი დო მაჟირა ჸურე, ოშქაშეთ იოსე. პილატექ ჭარჷ მუკნაჭარა, დო ქემკაბუნუ ჯვარს. ჭარილი რდჷ: იოსე ნაზარევალი, იუდეაშ მაფა. თე მუკნაჭარას მიარე იუდევარი კითხულენდჷ, თიშ გეშა ნამჷ-და აბანი, სოდე იოსე ჯვარს მაცუნესჷნ, ნოღაწკჷმა არხოს რდჷ, დო ჭარილი რდჷ ურიულო, ბერძენულო, რომალულო. იუდეაშ პაპათარეფი პილატეს ურაგადუდეს: ვაჭარა: იუდეაშ მაფა, თიშენი ნამჷ-და თინა ხო ქორაგადანდჷ: მა იუდეაშ მაფა ვორექია. პილატექ უგამჷ: მუთ ბჭარინ, თინა ბჭარი. მალიმორეფქ, მუჟამსჷთ იოსე ჯვარს მაცუნესჷნ, გეჭოფეს თიშ მუკაქუნალი დო გორთეს ოთხ ნორთო, ირ მალიმორშო პიტა-პიტათ; მუკოქვენჯი ნაჭა ვარდჷ, ედომუშამი ნორშვი რდჷ. თეშნერო უწუეს ართიანს: ვაგოფსოფათ მუკაქუნალი, კალი იბრღვათ, მიშ იჸინ, — დო გერთას წიმიწორენარაგდუქ: გირთეს მუკოქვენჯი ჩქიმი ართიანწკჷმა კალიშრღავაფთ. თაშ ქიმინეს მალიმორეფქ. იოსეშ ჯვარწკჷმა გერდეს დიამუში მარიამი დო მარიამიშ და, მარიამ კლეოპოვა, დო მარიამ მაგდალინარი.
ხვილაფა:	ჟილე მოჩამილი სახარებაშ ნორთეფიშ თანგუაშ გეშა: მოჩამილი თანგუა პიჯული რე დო ოხვილობაშ შვანს ოხვილჷ მათანგალწკჷმა სხუნუას.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.