კავკაციონიშ თარი წყარგჷმართუ ქჷნდჷრი
კავკაციონიშ თარი წყარგჷმართუ ქჷნდჷრი, უმუჭყვიდუ ქჷნდჷრი, კავკაციონიშ სისტემაშ ოროჰიდროგრაფიული ლირე, ნამუთ რთჷნს ოორუე კავკაციაშ დო მოლენკავკაციაშ წყარმალუეფიშ ღანჩოეფს. უმაღალაში კონკა რე შხარა (5058 მ). წყარმალუ ბელაიაშ (ყუბანიშ კვარჩხანი ნადუ) ოდუდეეფიშ დო ადაი-ხოხიშ გვალონაშ ბუნაშ შქას. ქჷნდჷრი ეგაფილიე პალეოზოურ-პროტეროზოური კრისტალური ქანეფით, შხვადო — ჯინჯიერაშო მეზოზოური ჭუბერტკილეფით, ქვიშაქუალეფით დო კირქუალეფით. შანულამი ჸალაიბონეფი რე: ჯვარიშ (ხევისყელიშ), მამისონიშ (ჭანჭახიშ), კლიუხორიშ დო შხვა. დჷმახასიათებელიე გვალა-ტყაშ, სუბალპური, ალპური დო გლაციალურ-ნივალური ლანდშაფტეფი.
გჷმორინაფილი ლიტერატურა რედაქტირაფა
- ქორთული სხუნუეფიშ ენციკლოპედია, ტ. 5, ხს. 311, ქართი, 1980 წანა.