კინგსტონი (ინგლ. Kingston) — იამაიკაშ ნანანოღა დო თარი ონიშოლი. იდვალუაფუ კარიბიშ ზუღას, იამაიკაშ ობჟათე-ბჟაეიოლ ნორთის. ნოღას ზუღაშჸურე პალისადოსიშ გჷნძე დო ინწრო საროტი გოძჷ, ნამუთ მერსხილი რე პორტ-როიალწკჷმა. კინგსტონი არძაშე დიდი ინგლისურნინამი ნოღა რე ედომუშამ კარიბიშ ზუღაშ რეგიონს. თინა ხვალე ქიანაშ ნანანოღა ვარინ, სამაჭალო დო ოჭკომალიშ რეწუალაშ ცენტრი რე.

ნანანოღა
კინგსტონი
Kingston
ქიანა იამაიკაშ შილა იამაიკა
სტატუსი ნანანოღა
რეგიონი სურეი
ოლქი კინგსტონი
კოორდ. 17°59′00″ ოორ. გ. 76°48′00″ ბჟად. გ. / 
დირსხუ 1692
ფართობი 480 კმ²
ცენტრიშ სიმაღალა 9
მახორობა 937 700 კოჩი (2011)
მეჭედალა 1 358 კოჩი/კმ²
ბორჯიშ ორტყაფუ UTC-5

კინგსტონი ორენი იამაიკა

კინგსტონი

ნოღაქ დირსხუ 1692 წანას, გოართოიანაფილი ომაფეშით. 1872 წანას, ნოღას იამაიკაშ ადმინისტრაცია იდვალუაფუდჷ, ნანანოღაშ სტატუსიქ მიაჩჷ 1962 წანას, ზოხორინალაშ სტატუსიშ მეღებაშე დო ნოღაშ დორსხუაფაშე 300 წანაშ დუდს. ნოღაშ დაღარ განობეფს — წჷმიქიმინჷ რეგიქ, ახალი მუსიკალური ჟანრიქ, ნამუთ სკაშ პრინციპეფშე რე აკოქიმინელი დო წჷმარინუანს აფრიკული, ევროპული დო ლათინოამერიკული მუსიკაშ სინთეზის. კინგსტონი ჟირ ნორთშე აკმოდირთუ — ნოღაშ ისტორიული ცენტრი დო ახალი კინგსტონი.

1976 წანაშ ღურთუთას, კინგსტონს სახენწჷფოეფოშქაშე აპიჯალაშა მიჭარინ ხექ, ნამუშით ალმახანობას მოსოფელიშ არძა ქიანას ქიმინჯენს იამაიკაშ სავალუტო სისტემა. 2011 წანაშ მუნაჩემეფით, ნოღას 937 700 ადამიერი ოხორანდჷ, ნამუეფიშ უმენტაშობას აფრიკული წჷმოულობაშ კათა დო მეტისეფი აკმადგინანა. სახენწჷფო ნინა რე ინგლისური, მარა მახორობაშ უმენტაშობა აკანურ დიალექტშა რაგადანს.

დომაჸალაფირი ნოღეფი რედაქტირაფა

რესურსეფი ინტერნეტის რედაქტირაფა