კოლუმბიაშ პრეზიდენტი

კოლუმბიაშ პრეზიდენტი (ესპ. Presidente de la República de Colombia) — კოლუმბიაშ სახენწჷფო მადუდე. პრეზიდენტიშ პოსტიქ დოდგინილქ იჸუ 1819 წანაშ ქირსეთუთას მეღებული კონსტიტუციათ. ქიანაშ მაართა პრეზიდენტიქ, გენერალ სიმონ ბოლივარქ[1] პოსტი 1819 წანას ჩებარჷ. დუდმაართაშე პრეზიდენტიშ პოსტი დუდგჷმოცხადაფილი რდჷ, უკული უკვე კონგრესიშ რატიფიცირაფათ ღებულენდჷ.

კოლუმბიაშ პრეზიდენტიშ მარწკინდი

კოლუმბიაშ ასეიანი პრეზიდენტი ხუან მანუელ სანტოსი რე, 2010 წანაშ 7 მარაშინათუთაშე.

ფუნქციეფი რედაქტირაფა

კოლუმბიაშ 1991 წანაშ კონსტიტუციაშ, 188-ა ბირგულიშ მეჯინათ: კოლუმბიაშ პრეზიდენტი სახენწჷფოშ დო თარობაშ მადუდე, დო ქიანაშ უმაღალაში ემაჸონაფალი ორგანო რე. ქიანაშ პრეზიდენტი ერუანული ართიანობაშ სიმბოლო რე. კოლუმბიაშ კონსტიტუციას დოფუჩაფაშ უკული, თინა ვალდვალირი რე უნარღელჸუას დო დოთხილას კოლუმბიარი კათაშ ნებეფი დო დუდიშალა.

კოლუმბიაშ 1991 წანაშ კონსტიტუციაშ, 115-ა ბირგულიშ მეჯინათ: ქიანაშ თარობა გჷმიქიმინუ კოლუმბიაშ პრეზიდენტიშ, კოლუმბიაშ ვიცე-პრეზიდენტიშ, კოლუმბიაშ მინისტრეფიშ სხუნუშ დო კოლუმბიაშ ადმინისტრაციული დეპარტამენტეფიშე.

გიშაგორუეფიშ დო საქვარუაშ ხანი რედაქტირაფა

კოლუმბიაშ პრეზიდენტი დო ვიცე-პრეზიდენტი გიშეგორუაფუ ირ ოთხ წანაშე ართშა. პრეზიდენტიშ ხეახალი გიშაგორუა ნებამეჩამილი ვარდჷ 2005 წანაშ 24 გერგობათუთაშახ, სოიშა კოლუმბიაშ კონგრესიქ კონსტიტუციაშა თირაფეფი ვამიშეღჷ დო მაჟირაშა გიშაგორუაშ ნება ვემეჩჷ პრეზიდენტეფსჷნ.

2010 წანას კოლუმბიაშ საკონსტიტუციო სასამართალოს იმანჯჷ რეფერენდუმქ, შეულებუდჷკო დო ვარ გეწ-გეწას პრეზიდენტის მასუმაშა გიშაგორუა. რეფერენდუმიშ თებაშ უკული გინოჭყორდჷ, ნამჷ-და კოლუმბიაშ პრეზიდენტიშ სუმშა გიშაგორუა ვარე მიშაღალირი, თიმწჷკმა ხოლო, კანდიდატი გეწ-გეწას სუმშა ვეგშიგორუაფუნ-და.[2]

თაშნეშე ქოძირით რედაქტირაფა

რესურსეფი ინტერენეტის რედაქტირაფა

სქოლიო რედაქტირაფა

  1. Gobernantes Colombianos, Ignacio Arismendi Posada, Interprint Editors Ltd., Italgraf, Segunda Edición, Page 15, Bogotá, Colombia, 1983
  2. Buckman, Robert T. (2010). The World Today Series: Latin America 2010. Harpers Ferry, West Virginia: Stryker-Post Publications. ISBN 978-1-935264-12-5.