კომუნიზმი
კომუნიზმი — ჯარალობური წკარუა, ნამუთ გერსხუ წარმებაშ საშუალებეფიშ საართო დორხველობას ჸოფურობას. პოლიტიკური იდეოლოგია ვარდა ფილოსოფიური მემალუობა, ნამუთ უხუჯანს თეჯგურა ჯარალობურ წკარუას. თიშ იდეოლოგიურ გჷმაჭყაფალო იკოროცხუ გერმანალი ფილოსოფოსი კარლ მარქსი. კომუნიზმი თაშნეშე გიმირინუაფუ კომუნისტური იდეოლოგიაშ მაღელი პოლიტიკური ყარაფეფიშოთ.
XX ოშწანურას, მუშითგჷმოცხადაფილი კომუნისტური პოლიტიკური ნძალეფი, ხეშუულებას რდეს მოსოფელიშ მიარე ქიანას, თინეფს შქას 1917 წანაშ რუსეთიშ რევოლუციაშ უკული სხუნუეფიშ რსხუ, ნამუთ რგილი ლჷმაშ ბორჯის რდჷ, სოციალისტური კარეშ მადუდე დო ამერიკაწკჷმა იკოროცხუდჷ ართ-ართ ჟისახენწჷფოთ. 1980-იანი წანეფშო, მოსოფელიშ მახორობაშ დოხოლაფირო ართი ნასუმორი კომუნისტურ ჟისახენწჷფოს ოხორანდჷ. სხუნუეფიშ რსხუშ აკოცჷმაშ უკული, კომუნიზმიშ პოზიციეფქ მოსოფელს უცბას დედაღარჷ.
ასეშა გჷმოხანტილი კომუნისტური მართუალა არსებენს ჩინეთის, ვიეტნამს, ლაოსის დო კუბას. ართ-ართი ბოლო, ნამუქჷთ კომუნისტურ მართუალაშე ვარია თქუნ, ოორუე კორეა რდჷ, სოდე 2009 წანას, კონსტიტუციაშე ოფიციალურო გეშეღეს კომუნიზმი, მუჭოთიდეოლოგია.[1]
მარქსიშ მჯინათ, კაპიტალისტური სისტემაშე კომუნიზმშა გინულა იხორციელებუ წოროგეჸვენჯით, გინმალი პერიოდიშ მუკულათ. თე რზა გიშაგორილი აფუდეს რსებული კომუნისტური რეჟიმეფიშ უმენტაშობას, მორო კომუნისტურ ეპოქაშა მიშულა ვაგოხორციელებე აკა თინეფშა.
კომუნისტეფქ გორკვიაფილი სიჭყანიეს მიოჭირინეს ბჟადალ ევროპაშ ქიანეფს. ევროკომუნიზმი რე ტერმინი, ნამუთ 1970–იანი წანეფშე გიმირინუაფუდჷ ევროპალი კომუნისტეფიშოთ, ნამუეფით ედომუშამო ვარდა ნორთობურო იხურგუდეს სხუნუეფიშ რსხუშე. კომუნისტური ყარაფი თაშნეშე ძალამი ჭყანიერი რდჷ ლათინურ ამერიკას.
სქოლიო რედაქტირაფა
|
თე სტატია პოლიტიკაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |