კოპლიშ მენდალი

ლონდონიშ ომაფე ჯარალუაშ ჯილდო

კოპლიშ მენდალი (ინგლ. Copley Medal) რე ჯილდო ნამუსჷთ ბრიტანეთიშ ომაფე ჯარალუა ირ წანას გინმოჩანს გიშარჩქინელ მენცარეფს, მენცარობაშ შხვადოშხვა დარგის. კოპლიშ მენდალი ბრიტანალი ბარონიშ დო პოლიტიკოსიშ გოდფრი კოპლიშ ჯოხონობაშ რე. ჯილდოქ დირსხუ გოდფრი კოპლიშ 100 £ დონაციათ, 1731 წანას. მაართა ლაურეატი რდჷ ინგლისარი ასტრონომი სტივენ გრეი. დუდშე მენდალს გინმოჩანდეს მენცარს, ნამუშ ექსპერიმენტი არძოშ უმოს ჯგირო ინტკიცებუდჷ. 1831 წანაშე მენდალი გინმაჩამუ მენცარს, ომაფე ჯარალუაშ სხუნუშ გინოჭყვადუათ. მენდალი ვარჩხილიში რე დო მოჸუნს 25,000 £ ფინანსური პრემია. მაართა ოსური მენცარი ნამუქჷთ მიპალუ კოპლიშ მენდალი რდჷ დოროთი ჰოჯკინი. არძაშე უმოსიშა (სუმშა) მენდალი გინოჩეს ინგლისარ ფილოსოფოსის დო ინჟინერს, ჯონ თეოფილ დეზაგულეს, 1734, 1736 დო 1741 წანეფს.

კოპლიშ მენდალი, ნამუთ გინოჩეს ჯოზეფ ლისტერს, 1902 წანას

რესურსეფი ინტერნეტის რედაქტირაფა