კრატერული ტობა
კრატერული ტობა ვარ-და ვულკანური ტობა — ტობა, გოჭყაფილი ვულკანური კრატერიშ, კალდერაშ, მაარიშ ვარ-და გენთხაფური კრატერიშ წყარით გოფშაფაშ რზათ. თიშ გეშა, ნამჷ-და კრატერს, მუჭოთ წესი, უღჷ წირეშ ფორმა დო მაღალი კიდალეფი, კრატერულ ტობას უღჷ ჭიჭე ინაკათუეფი დო უმენტაშო ვაუღჷ წყალმარული გიმნაველი. კრატერი რჩქვანელობურო გითმიფშაფჷ ჭვემაშ წყარით (მაარეფი - გრუნტიშ წყარეფით) დო წორწალას ოჭირინუანს მიშაკათინიშ დო აორქაფაშ შედეგო. ბორჯიშ გოძვენას ეროზიაშენ შილება გიჭყას დიხაშჟილენ მალობაქ დო წყარმითაკათაფუთჷქ, მუჭო სამანგათ ტაუპოშ ტობა ახალ ზელანდიას, ნამუსჷთ მეუტს წყარმალუ უაიკატო.
.jpg)
ვულკანურ კრატერს წყარი კანკალეშა იკათუანს მიშნასვარეფს, ნამჯშ გეშა ტობას თელარა უშულებუ რე. თეშნერო შხირას გოფერადაფილი, ბჟეფით გონჯღილირი ტობეფიშ სამანგეფი რე რინკონ-დე-ლა-ვიეხა დლ ირასუ კოსტა-რიკას. ნოშქერჟირჟანგიშ მაკათურალა შილებე იჸუას თაშნეშე ძალამ მაღალქ დო გჷნირთას ლიმნოლოგიური კატასტროფაშ ბაძაძო, მუჭოთ მოხვადჷ ნიოსიშ ტობასჷნ, კამერუნს.
კანკალე კრატერული ტობა რედაქტირაფა
- აფრიკა
- ამერიკა
- აზია
- ელგიგიტგინი (გენთხაფური კრატერი, ცჷნდჷრი, რუსეთი)
- ნემრუთი (კალდერა, თურქეთი)
- კურილიშ ტობა (კალდერა, კამჩატკაშ ჩქონი, რუსეთი)
- ტიანჩიშ ტობა (გვალაშ კალდერა, ოორუე კორეა/ჩინეთი)
- პინატუბო (ფილიპინეფი)
- კელუდი (ინდონეზია)
- ტობა (კალდერა, ინდონეზია)
- ტოვადა (კალდერა, იაპონია)
- ტაძავა (კალდერა, იაპონია)
- ოკეანეთი
- ტაუპოშ ტობა (კალდერა, ახალი ზელანდია)
- ევროპა
- სილიანი (გენთხაფური კრატერი, შვედეთი)
- იესკიუვატნი (კალდერა, ისლანდია)
- კერიდი (ისლანდია)
- ვინდსბორნი (ვულკანური კრატერი, გერმანია)
- ლახერ-ზე (კალდერა, შხირას ეიშანუაფჷ, მუჭოთ მაარი, გერმანია)
- Jezero
სქოლიო რედაქტირაფა
- ↑ კრატერული ტობაშ ეჭარუა Archived 2007-08-22 ვებ-ხასჷლას Wayback Machine. GTZ-იშ ფურცლეფს