ლეონარდო ვილჰელმ დიკაპრიო[1] (ინგლ. Leonardo DiCaprio; დ. 11 გერგობათუთა, 1974) — ამერიკალი არტისტი დო კინოპროდიუსერი.

ლეონარდო დიკაპრიო

დიკაპრიო 2014 წანაშ ღურუთუთას
დაბადებაშ ჯოხო ლეონარდო ვილჰელმ დიკაპრიო
დაბადებაშ აბანილოს-ანჯელესი, კალიფორნია, ამერიკაშ აკოართაფილი შტატეფიშ შილა ააშ
დებადჷ 11 გერგობათუთა, 1974 (1974-11-11) (49 წანერი)
საქვარუა არტისტი, კინოპროდიუსერი
აკოქიმინჯალაშ წანეფი 1989–ასეშა
ოფიციალური ვებხასჷლა leonardodicaprio.com

ბიოგრაფია რედაქტირაფა

ლეონარდოქ დებადჷ დო მირდჷ კალიფორნიაშ შტატიშ ნოღა ლოს-ანჯელესის. დიკაპრიოშ მუმა ბადებათ იტალო-გერმანულ ჯინჯეფიშ ფანიაშე რე, დო დიდაქ, ირმენილ დიკაპრიო (ცირობუას ინდერბირკენი), ბჟადალ გერმანიას, ორ-ერკენშვიკეს დებადჷ. თიში მუმა რდჷ ვილჰემ ინდერბირკენი, დო დიდა რუსი - ელენა სმირნოვა, ნამუქჷთ რუსეთიშე გერმანიაშა გინულაშ უკული იგურგინუ დო ქომონჯიშ გვარი მიღჷ. მუქ დიკაპრიოქ, ვლადიმერ პუტინწკჷმა ჩიებას, გაცხადჷ, ნამდა მუში ბაბუ ხოლო რუსი რდჷ, დო გეუძინჷ: ,,თაშ ნამდა, მა ნაანთხალით ვარჷნ, გვერდო ვორექ რუსი.

ოარტისტე კარიერა დიჭყჷ 1990-იანი წანეფიშ საპონიშ ოპერეფს დო სიტკომეფს. თენეფ შქას რე „სანტა-ბარბარა“. ჰოლივუდის თიში მაართა თარი ფილმი რდჷ „ათე ბოშიშ რინა“, ნამუსჷთ თარი როლი ილაჸაფჷ. თის ხოლო მაჸუნჷ ფილმიქ „მუ აწუხენს გილბერტ გრეიპის“, ნამუშოთ თინა წჷმორინაფილი რდჷ ოსკარშა დო ორქოშ გლობუსის საუჯგუშო მაჟიახარისხამი კოჩი არტისტიშ ნომინაციას. დიკაპრიო ხოლო ჟირშა რდჷ წჷმორინაფილი BAFTA-ს, სუმშა SAGs-ს დო შკვითშა ორქოშ გლობუსის. თინა რე ორქოშ გლობუსიშ დო ვარჩხილიშ თუნთიშ მაღვენჯი.

თიხ ჯოხო გითქუ ჯეკ დოუსონიშ როლიშ ლაჸაფშო ფილმის „ტიტანიკი“. ათეს მაჸუნჷ როლეფქ ფილმეფს „ობჭოფი, ქეშეილებუდა“, „ავიატორი“, „ზისხირამი ალმასი“, დო „დაჭყაფური“. მარტინ სკორსეზეშ „ავიატორით“ თიქ ოსკარიშ მაჟრა წუმორინა დეინალუ. დიკაპრიო ხოლო ლაჸაფენს სკორსეზეშ შხვა ფილმეფს, „ნიუ-იორკიშ ბანდეფი“, „ღურელეფი“ დო „ინოკილერი კოკი“, „უოლ-სტრიტიშ გერი“.

„უოლ-სტრიტიშ გერი“, გერსხილი რე ჯორდან ბელფორტიშ ბიოგრაფიულ წინგის. დიკაპრიო რდჷ ათე ფილმიშ ალმაპროდიუსერი დო არსულენდჷ თარი, ჯორდან ბელფორტიშ როლს. ფილმიშო თიქ მიღჷ ორქოშ გლობუსიშ ჯილდო დო ოსკარიშ ხოლო ართი ნომინაცია, მარა ოსკარიშ ჯილდოქ თიქ ასეხოლო ვემიაღებუ დო თინა დათმჷ მეთიუ მაკ-კონეჰიწკჷმა. დიკაპრიოქ თქუ, ნამდა „უოლ-სტრიტიშ გერი“, გიშაკერზაფილო ოშულადარი რდჷ დო ათე ფილმიქ თიში ადრენალინი ბოლოშახ დალიუ.

ფილმოგრაფია რედაქტირაფა

წანა მარგალურო ოდაბადური ჯოხოდვალა როლი
1991 ნოტყელეფი 3 Critters 3 ჯოში
1992 ლაბანამ ცურუ Poison Ivy გაი
1993 ათე ბოშიშ რინა This Boy's Life ტობიას 'ტობი' ვულფი
1993 მუ აწუხენს გილბერტ გრეიპს What's Eating Gilbert Grape არნი გრეიპი
1995 სწრაფი დო ღურელი The Quick and the Dead ბიჭი
1995 კარაჩხაბურთიშ დღალური The Basketball Diaries ჯიმ კეროლი
1995 ედომუშამი უკმელუა Total Eclipse ართურ რიმბადი
1996 რომეო+ჯულიეტა Romeo + Juliet რომეო მონტეგი
1996 მარვინიშ თოლი Marvin's Room ჰენკი
1997 ტიტანიკი Titanic ჯეკ დოუსონი
1998 რკინაშ მარშიმი The Man in the Iron Mask ლუი XIV
1998 ჩინება Celebrity ბრენდონ დეროუ
2000 წყარპიჯი The Beach რიჩარდი
2001 კაფე დონს პლამ Don's Plum დერეკი
2002 ობჭოფი, ქეშეილებუდა Catch Me If You Can ფრენკ ეიბიგნეილ უკლაში
2002 ნიუ-იორკიშ ბანდეფი Gangs of New York ამსტერდამ ვალონი
2004 ავიატორი The Aviator ჰოვარდ ჰიუზი
2006 ღურელეფი The Departed ბილი კოსტიგანი
2006 ზისხირამი ალმასი Blood Diamond დენი არჩერი
2008 ტყურეფიშ რსხილი Body of Lies როჯერ ფერისი
2008 ელართინაფაშ შარა Revolutionary Road ფრენკ ვილერი
2010 ინოკილერი კოკი Shutter Island ტედი დენიელსი
2010 დაჭყაფური Inception დომ კობი
2010 ტელესკოპი ჰაბლი Hubble მუში დუდი
2011 ჯ. ედგარი J. Edgar ედგარ ჰუვერი
2012 ჯანგო დუდიშული Django Unchained კელვინ კენდი
2013 დიდი გეტსბი The Great Gatsby ჯეი გეტსბი
2013 უოლ-სტრიტიშ გერი The Wolf of Wall Street ჯორდან ბელფორტი
2015 გინოსქილადირი The Revenant ჰიუ გლასი

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ:

სქოლიო რედაქტირაფა

  1. Leonardo DiCpario“, Encyclopædia Britannica. კითხირიშ თარიღი: July 29, 2015.