მანიემაშ პროვინცია

მანიემაშ პროვინცია (ფრანგ. Maniema) — კონგოშ დემოკრატიული რესპუბლიკაშ პროვინცია, ნამუთ ქიანაშ ბჟაეიოლშე იდვალუაფუ. ბჟადალშე უხურგანს სანკურუშ პროვინცია, ოორუეშე — ჩოპოშ პროვინცია, ბჟაეიოლშე — ოორუე კივუშ დო ობჟათე კივუშ პროვინციეფი დო ობჟათეშე — ლომამიშ დო ტანგანიიკაშ პროვინციეფი.

მანიემაშ პროვინცია
ფრანგ. Maniema

ქიანა	კონგოშ დემოკრატიული რესპუბლიკა
სტატუსი	პროვინცია
მიშმურს	1 ნოღა დო 7 ტერიტორია
ადმინ. ცენტრი	კინდუ
მახორობა (2005)	1 246 787 (24 აბანი)
მეჭედალა	9,43 კოჩი/კმ²
ფართობი	132 250 კმ² (6 აბანი)
ბორჯიშ ორტყაფუ	UTC+1
კოდი ISO 3166-2	CD-MA
ინდექსი FIPS	CG10

გეოგრაფია

მანიემაშ პროვინციაშ საართო ფართობი აკმადგინანს 132 250 კმ²-ს. პროვინციას ოხორანს 1 246 787 ადამიერი (მახორობაშ მეჭედალა — 9,43 ად./კმ²). მანიემაშ პროვინციაშ ტერიტორიას ობჟათეშე ოორუეშა მეურს წყარმალუ კონგო (ლუალაბა). ადმინისტრაციული ცენტრი რე — ნოღა კინდუ (თეწკჷმა ართო ნოღა ბოლო დგჷმილი რე ორკინაშარე ღოზიშო, ნამუთ ართიანს მითმურსხუანს კონგოშ დემოკრატიული რესპუბლიკაშ ბჟაეიოლ ნორთის აფრიკაშ ობჟთე ნორთიშ ორკინაშარე რშვილწკჷმა).

ისტორია

XIX ოშწანურას, პროვინცია კივუშ (ფრანგ. Kivu) ჯოხოთ რდჷ ჩინებული, უკული, 1988 წანას გირთჷ სუმ ნორთო დო ასეშო თიშ ტერიტორიას იდვალუაფუ სუმი პროვინცია — მანიემაშ, ოორუე კივუშ დო ობჟათე კივუშ პროვინციეფი. 2005 წანაშ საკონსტიტუციო რეფორმაშ უკული, ნამუქჷთ ოხუდჷ კონგოშ დემოკრატიული რესპუბლიკაშ ადმინისტრაციულ დორთუალასინ, მანიემაშ პროვინციაშ ხურგეფი ვათირელე.

ადმინისტრაციული დორთუალა

• ნოღეფი
  • კინდუ
    • კომუნა ალუნგილი (Alungili)
    • კომუნა კასუკუ (Kasuku)
    • კომუნა მიკელენგე (Mikelenge)
• ტერიტორიეფი
  • კაბამბარე (Kabambare)
  • კაილო (Kailo)
  • კასონგო (Kasongo)
  • კიბომბო (Kibombo)
  • ლუბუტუ (Lubutu)
  • პანგი (Pangi)
  • პუნია (Punia)

ეკონომიკა

ვოლფრამიტიშ შახტა კაილოს, მანიემა, 2006 წანა.

თიშ გეშა, ნამჷ-და კონგოშ დემოკრატიული რესპუბლიკაშ ობჟათე დო ბჟაეიოლი ნორთეფი დიდარი რე მორგე დინოხურიშით, მანიემაშ პროვინციას აწარმენა ვოლფრამიშ, ტანტალიშ (კონკრეტულო კოლუმბიტ-ტანტალიტი), კალაშ (ნოღა კალიმას) დო ორქოშ მოპალუას.