მექუბიშობურეფი (ქორთ. მეჭვავიასნაირნი. ლათ. Charadriiformes), მაფურინჯეფიშ რანწკი. აკმაშქვანც 3 გიმენრანწკის: თოლია (3 ფანია), ალკეფც (1 ფანია) დო დორხველაშო მექუბორეფც (13 ფანია). რანწკის გოართამაფილიე 113 (87) თურიშ 289 ბუნა. მექუბიშობურეფი მოდვალირი რენა არქტიკაშე ანტარქტიკაშახ დო ზუღაშ დონეშე გვალამაღალშახ. მექუბიშობურეფიშ მასა 20 გ - 3 კგ ოჭირინუანც. ბუდურანა დიხას ვარა კჷრდეეფც, ვანაფერო ქუაშთუდო ხურუეფც. დადული დვანც 1-4, ძაკი ტერტე მარქვალც. ეთმიჯუმუაფუნა სქირონა დო წყარიშ უხირხიმელეეფით, ნამთინე— ჩხომით. მეზუღიეფი დო ტანო დიდი თოლიეფი აკმარღვანა შხვა მაფურინჯეფიშ ოგვაჯეეფც, ჭკუმუნა ნოსქილედეფც დო ნძორც. საქორთუოს ხე მორჩილი წინტალა, მსევანი, შავულა, მებორნე, კვათარა. იზოთუანც პრანწია, დიდი ჭოვილო, ჩიბუხა დო ჭყინპო. გილაფურინუაბორც აფხვადუნა 31 ბუნა, ჸალგჷთაკირალამი წინტალა, ზუღაშ წინტალა, ფეხჭოჭინა ანუ ოჩოფეხა დო შხვა.

კვათარა
(Aethia cristatella)
მენცარული კლასიფიკაცია
ომაფე: ნოტყეფი
ლათინური ჯოხო
Charadriiformes
თხილუაშ სტატუსი

ლიტერატურა რედაქტირაფა

  • რ. ჟორდანია, ქსე, ტ. 6, ხს. 651, ქთ., 1983