მილენა „მილა“ კუნისი (რუს. Милена "Мила" Кунис; უკრ. Мілена "Міла" Куніс;[1] დ. 14 მარაშინათუთა, 1983) — ამერიკალი არტისტი. რსულებური აფჷ როლეფი ფილმეფს: „სარა მარშალიშ გოჭყოლადა“, „მაქს პეინი“, „ილაიშ წინგი“, „მაჸალური სექსი“ დო შხვა. 2010 წანას ფილმის რსულებური როლიშო „უჩა ოლორი“, ისხუნესჷ მარჩელო მასტროიანიშ პრემია. ნომინირაფილი რდჷ ხოლო ორქოშ გლობუსის.

მილა კუნისი

მილა კუნისი 2012 წანას
დაბადებაშ ჯოხო მილა კუნისი
დაბადებაშ აბანიჩერნოვცი, უკრაინა
დებადჷ 14 მარაშინათუთა, 1983
საქვარუა არტისტი, მუსიკოსი
აკოქიმინჯალაშ წანეფი 1994–ასეშა
ალმასქუ(ეფი) მაკოლეი კალკინი (2002-2011)

ეშტონ კაჩერი (2013-)

მილა კუნისქ დებადჷ 1983 წანაშ 14 მარაშინათუთას ნოღა ჩერნოვცის, უკრაინას. დიამუში ელვირა რე ფიზიკაშ მაგურაფალი დო აფთიაქიშ ხემანჯღვერი, მუამუში — მარკი პროფესიათ ინჟინერ-მექანიკოსი რე. მილას ჸუნს უნჩაში ჯიმა მაიკლი. 1991 წანას კუნისიშ ფანიაქ ოხორუშა გინორთჷ ლოს-ანჟელესიშა. მილა ურია რე დო თიში ფანიაშ გინოხორინიშ ართ-ართი სამანჯელქ იჸუ ჸოფილ სსრრ-ს გოფაჩილი ანტისემიტიზმი. ლოს-ანჟელესის კუნისი გურაფლენდჷ ოშქაშე სკოლას. ბაღანობას ძირაფაწკჷმა მერცხუაფილი კილი პრობლეფიშ გეშა აღოლჷ ჰეტეროქრომიაქ, მუშ გეშათჷ ართი თოლი წვანე უღუ, მაჟირა თოლი — ცაშფერი ფერიშ.[2] 9 წანაშ ასაკის ბევერლი-ჰილზის ოჭიშუდჷ ოარტისტე სკოლას.

1998 წანას კუნისიქ ილაჸაფჷ სერიალს „70-შ შოუ“, უკულიან წანას მულტსერიალს „გრიფინი“, სოდეთ ახონარენს მეგ გრიფინს. 2002 წანაშე კუნისი ხვადუდჷ არტისტი მაკოლეი კალკინს. 2011 წანას ართიანს დეთხისჷ.

ფილმოგრაფია რედაქტირაფა

წანა მარგალურო ოდაბადური ჯოხოდვალა როლი
1995 ჩეფირქი ზალამი, მოლი Make a Wish, Molly მატილდა
1996 გემარჯგინე სანტა-კლაუსი Santa with Muscles სარა
1997 ალმასიშ კაკალი, ჩქინი დუდი დუვაჭიჭარეთ Honey, We Shrunk Ourselves ჯილი
1998 კრიპენდორფიშ თური Krippendorf's Tribe ები
1998 მილო Milo მარტიკე
2001 ჸოროფაშ ვირუსი Get Over It ბეისინი
2002 ამერიკალი ფსიქოპატი 2 American Psycho 2 რეიჩელი
2004 ტონიშ დო ტინაშ დიარა Tony n' Tina's Wedding ტინა
2005 სტიუი გრიფინი: ურაგადუ ისტორია Stewie Griffin: The Untold Story მეგ გრიფინი
2007 სექსიშ უკული After Sex ნიკი
2007 მაქანცე მაკალისტერი Moving McAllister მიშელი
2007 კარე Boot Camp სოფია
2008 სარა მარშალიშ გოჭყოლადა Forgetting Sarah Marshall რეიჩელი
2008 მაქს პეინი Max Payne მონა საქსი
2009 ექსტრაქტი Extract სინდი
2010 ილაიშ წინგი The Book of Eli სოლარა
2010 ხანგური პაემანი Date Night უიპიტი
2010 უჩა ოლორი Black Swan ლილი / შავი გედი
2011 მაჸალური სექსი Friends with Benefits ჯეიმი
2012 ტედი Ted ლორი
2013 ოზი: დიდი დო გომორძგვილი Oz the Great and Powerful თეოდორა
2015 იუპიტერიშ ეულა Jupiter Ascending იუპიტერ ჯონსი

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ:

სქოლიო რედაქტირაფა

  1. Both Russian and Ukrainian were official languages in the Soviet Union (Source:Language Policy in the Soviet Union by L.A. Grenoble), but Russian prevailed among Jewish population in Ukrainian cities (Source:Harvest of Despair: Life and Death in Ukraine Under Nazi Rule by Karel C. Berkhoff)
  2. Biography for Mila Kunis (Englisch). Internet Movie Database. ციტატა: „Has two different eye colors: one blue, one green.“ კითხირიშ თარიღი: 28. Juli 2010.