მორონი (ფრანგ. Moroni; არაბ.: موروني) — კომორიშ კოკეფიშ რსხუშ ნანანოღა დო არძაშე დიდი ნოღა. აკოგაფილი რე ინდოეთიშ ოკიანეს მადვალუ მოზამბიკიშ საროტის, კოკი ნგაზიჯაშ (გრანდ-კომორი) ბჟადალ წყარპიჯის. შიკომორიშ ნინაშე თანგუათ «მორონი» შანენს „დაჩხირიშ გურს“, ოვარაუდეთ, თიშ გეშა, ნამჷ-და ნოღა იდვალუაფუ მოქიმინჯე ვულკან კართალაშ (2361 მ) გოხოლუას.[1] მორონი თაშნეშე ნგაზიჯაშ (გრანდ-კომორი) ავტონომიური რეგიონიშ, სოდე იდვალუაფუ ქიანაშ არძაშე დიდი კინ თე ჯოხოდვალაშ კოკი, ადმინისტრაციული ცენტრი რე. 2011 წანაშ მუნაჩემეფით, ნოღას ოხორანდჷ 54 000 ადამიერი.
