მუსიკალური ინსტრუმენტი

მუსიკალური ინსტრუმენტი — მონწყილობა, ნამუთ აკოქიმინელ ვარა/დო გჷმორინაფილი რე მუსიკალური ხონარიშ ეიოჭოფალო. ათე თოლწონუათ, ირფელი შილებე მუსიკალურ ინსტრუმენტის ურხველუათჷნ, მუთ მუსიკალურ ხონარს გჷმოჩანსჷნ. ათენა რე თიშ ბაძაძი, მუდგაშ გეშათ შხვადოშხვა ობიექტი მუსიკალურ ინსტრუმენტო გინმირთუ. მუსიკალურ ინსტრუმენტეფიშ ისტორია იჭყაფუ კოჩიშობაშ კულტურულ რინაშ დოჭყაფაწკჷმა ართო. მუსიკალური ინსტრუმენტეფიშ გურაფაშ აკადემიურ დისციპლინას ორგანოლოგია ჯოხო.

ოდებელ სტატუსიშ მაართა მუსიკალურ ინსტრუმენტიშ გოჭყაფა ითარიღებუ ქრისტეშახ 67 000 წანათ. არტეფაქტეფიშ მეჯინათ, ნამუთ ოირკოჩეთ მერჩქინელი რენ, მაართა ორდოულ ფლეიტა ითარიღებუ ქრისტეშახ 37 000 წანათ. მორო, ნამთინე ისტორიკოსი კოროცხუნს, ნამდა მუსიკალურ ინსტრუმენტეფიშ გოჭყაფაშ სპეციფიკური ბორჯიშ გოხურგუა შელებუან ვა რე, დუდო ათე ტერმინიშ სუბიექტური გოხურგუაშ გეშა.

მუსიკალურ ინსტრუმენტეფი ივითარებუდჷ ზოხორინელო მოსოფელიშ შხვადოშხვა დოხორინელ რეგიონა. მორო, ცივილიზაციეფიშ კონტაქტიქ გეშაჭანუ მუსიკალურ ინსტრუმენტეფი შნჭაფიერ გოფაჩუა დო ადაპტირაფა თიშნერ რეგიონეფსჷთ, ნამუთ მოჩილათირ რე კონკრეტული მიოგამალიშ გოჭყაფაშ აბანშე. შქა ოშწანურეფს ინსტრუმენტეფს მესოპოტამიაშე გითობგორუნდით მალაიშ არქიპელაგის, ოდო ევროპალეფი მიოგანდეს ოორუე-აფრიკულიგოჭყაფაშ ინსტრუმენტეფს. გოვითარაფა ამერიკას ალაზიმაფათ მერა ტემპეფით იხასიათებუ, მარა ოკო იშინუას, ნამდა თაქ დივერსიფიკაციას აბანი ვა უღუ: ოორუე, ცენტრალური დოობჟათე ამერიკა იხასიათებუ ართი დო იგივე მუსიკალური ინსტრუმენტეფით.

ლიტერატურა რედაქტირაფა

  • Baines, Anthony (1993), Brass Instruments: Their History and Development, Dover Publications, ISBN 0486275744 
  • Blades, James (1992), Percussion Instruments and Their History, Bold Strummer Ltd, ISBN 0933224613 
  • Brown, Howard Mayer (2008). Sachs, Curt. Grove Dictionary of Music and Musicians. 
  • Campbell, Murray; Greated, Clive A.; Myers, Arnold (2004), Musical Instruments: History, Technology, and Performance of Instruments of Western Music, Oxford University Press, ISBN 0198165048 

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: