რიუნოსკე აკუტაგავა
რიუნოსკე აკუტაგავა (იაპ. 芥川 龍之介, ფსევდონიმი - ჩოკოდო შუჯინი, იაპ. 澄江堂主人, დ. 1 მელახი, 1892, ტოკიო, იაპონია — ღ. 24 კვირკვე, 1927, ტოკიო, იაპონია) — იაპონარი ჭარუ, იაპონური ლიტერატურაშ კლასიკოსი, შინელი რე მუჭოთ იაპონური თხობელუეფიშ მუმა.
| რიუნოსკე აკუტაგავა | |
 | |
| ფსევდონიმი: |
ჩოკოდო შუჯინი |
|---|---|
| დაბადებაშ თარიღი: | |
| დაბადებაშ აბანი: | |
| ღურაშ თარიღი: |
კვირკვე 24, 1927 (35 წანერი) |
| ღურაშ აბანი: |
ტოკიო, იაპონია |
| ერუანობა: | |
| საქვარუა: | |
| პერიოდი : |
1914—1927 |
| Magnum opus: |
რასიომონი (1915) |
| ჟანრი: |
თხობელუა |
| ნინა: | |
რიუნოსკე აკუტაგავა გურაფულენდჷ ტოკიოშ სკოლას. ორდოიანი წანეფიშე დეინტერესჷ ჩინური ლიტერატურათ დო იაპონარი ნოველისტეფიშ მორი ოგაიშ დო ნაცუმე სოსეკიშ ნაჭარეფით. 1913 წანას აკუტაგავაქ გემშართჷ ტოკიოშ უნივერსიტეტიშა, სოდეთ ინგლისურ ლიტერატურას გურაფულენდჷ. გურაფაშ თებაშ უკული მუშენდჷ იოკოსუკაშ ოზუღე ინჟინერიაშ სკოლას, ინგლისური ნინაშ ინსტრუქტორო.
აკუტაგავა რე ავტორი შხვადოშხვა კუნტა თხობელუეფიშ. დიდი პოპულარობა მოუღჷ ნაწარმებიქ "ტყალონს", ნამუქჷთ 1922 წანას გიშართჷ. ჸათე თხობელუა The Daily Telegraph-იქ 10 საუჯგუშო აზიური თხობელუეფიშ ერკებულშა გემშეღჷ, 2014 წანას. "ტყალონს" დო აკუტაგავაშ მაჟია თხობელუა "რასიომონი"-შ სიუჟეტეფს რე გერსხილი გიშარჩქინელი იაპონარი რეჟისორიშ აკირა კუროსავაშ 1950 წანაშ ფილმი რასიომონი. ფილმიქ 1951 წანას ვენეციაშ კინოფესტივალიშ თარი ჯილდო ორქოშ ნჯილოშ პრემია მიპალუ.
რიუნოსკე აკუტაგავა იაპონური ლიტერატურაშ ართ-ართი უდიდაში წჷმმარინაფალი რე. თიშ ჯოხონობაშ რე აკუტაგავაშ ლიტერატურული პრემია, ნამუქჷთ 1935 წანას დირსხუ. რიუნოსკე აკუტაგავას ბაღანობაშე მენტალური პრობლემეფი უღუდჷ დო თინა მუშ ცხოვრებას ირო დეპრესიული რდჷ. აკუტაგავაქ 1927 წანაშ 24 კვირკვეს დუდი დიჸვილუ. აკუტაგავა 35 წანერი რდჷ.
მარგალურ ნინაშა თანგილი რე რიუნოსკე აკუტაგავაშ ართი თხობელუა "დიალოგი წკვერემს".
რესურსეფი ინტერნეტის რედაქტირაფა
