როი გლაუბერი
როი ჯეი გლაუბერი (ინგლ. Roy Jay Glauber; დ. 1 ეკენია, 1925, ნიუ-იორკი, ააშ — ღ. 26 გერგობათუთა, 2018, ნიუტონი, მასაჩუსეტსი, ააშ) — ამერიკალი ფიზიკოსი-თეორიტიკოსი, ოპტიკური კოჰერენტნოსტიშ კვანტური თეორიაშ გოვითარაფაშ გეშა გინოჩეს ნობელიშ პრემია ფიზიკაშ დარგის 2005 წანას.
| როი გლაუბერი | |
| ინგლ. Roy J. Glauber | |
 როი გლაუბერი 2005 წანას | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ქირსეთუთა 26, 2018 (93 წანერი) |
| ღურაშ აბანი: |
ნიუტონი, მასაჩუსეტსი, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: |
ჰარვარდიშ უნივერსიტეტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ნობელიშ პრემია ფიზიკას (2005) |
ბიოგრაფია რედაქტირაფა
როი გლაუბერი გურაფულენდჷ ფიზიკას ჰარვარდიშ უნივერსიტეტის. 18 წანერი რდუნ თეშ ოკათუდჷ მანჰეტენიშ პროექტის დო მუშენდჷ ლოს-ალამოსიშ ერუანულ ლაბორატორიას. ჸათაქ გლაუბერიშ მენცარული რკვიებეფი ორხველუდჷ ატომური ანჯარიშ კრიტიკული მასაშ კალკულაციას. ჟირ წანაშ უკულ გლაუბერიქ ჰარვარდიშ უნივერსიტეტიშა დირთჷ დო 1946 წანას მიპალუ ბაკალავრიშ ხარისხი. 1949 წანას თხილუ ოდოქტორე დისერტაცია. გურაფაშ თებაშ უკულ მუშენდჷ ჰარვარდიშ უნივერსიტეტის ფიზიკაშ პროფესორი დო არიზონაშ უნივერსიტეტის ოპტიკური მენცარობეფიშ პროფესორო. როი გლაუბერი რდჷ ნობელიშ პრემიაშ დო ჰაინემანიშ პრემიაშ ლაურეატი. 1985 წანას ფრანკლინიშ ინსტიტუტიქ გინოჩჷ ალბერტ მაიკელსონიშ მენდალი. 1985 წანას ამერიკაშ ოპტიკურ ჯარალუაქ გლაუბერს გინოჩჷ მაქს ბორნიშ პრემია. 1997 წანაშე გლაუბერი რდჷ ლონდონიშ ომაფე ჯარალუაშ მაკათური. როი გლაუბერიქ ღურუ 2018 წანაშ 26 ქირსეთუთას, მასაჩუსეტსიშ ნოღა ნიუტონს, 93 წანერქ. ნთხორილი რე კენსიკოშ სასაფლას, ნიუ-იორკიშ შტატის.
რესურსეფი ინტერნეტის რედაქტირაფა
- 2013 Video Interview with Roy Glauber by Cynthia C. Kelly Voices of the Manhattan Project
- Audio Interview with Roy Glauber by Owen Gingerich Voices of the Manhattan Project
- Roy J. Glauber at the 2012 Harvard Physics Department Faculty website
- "Physics Professor Awarded Nobel", Harvard Crimson, October 5, 2005 Archived October 27, 2007, ვებ-ხასჷლას Wayback Machine.
- "Double Honours", Guardian, October 11, 2005