რუდოლფ იულიუს ემანუელ კლაუზიუსი (გერმ. Rudolf Julius Emanuel Clausius; დ. 2 ღურთუთა, 1822, კესლინი, პომერანიაშ პროვინცია, პრუსიაშ ომაფე (ასეიან კოშალინი, პოლონეთი) — ღ. 24 მარაშინათუთა, 1888, ბონი, რაინიშ პროვინცია, პრუსიაშ ომაფე, გერმანიაშ იმპერია) — გერმანალი ფიზიკოსი დო მათემატიკოსი, შინელი რე მუჭოთ თერმოდინამიკაშ ართ-ართი დუმარსხუაფალი დო ცენტრალური ფიგურა.

რუდოლფ კლაუზიუსი
გერმ. Rudolf Clausius
დაბადებაშ თარიღი:

2 ღურთუთა, 1822

დაბადებაშ აბანი:

კესლინი, პომერანიაშ პროვინცია, პრუსიაშ ომაფე (ასეიან კოშალინი, პოლონეთი)

ღურაშ თარიღი:

მარაშინათუთა 24, 1888 (66 წანერი)

ღურაშ აბანი:

ბონი, რაინიშ პროვინცია, პრუსიაშ ომაფე, გერმანიაშ იმპერია

მენოღალობა:

პრუსიაშ ომაფე

ომენცარე სფერო:

ფიზიკა

სამუშაშ აბანი :

ციურიხიშ ფედერალური ტექნოლოგიეფიშ ინსტიტუტი
ვიურცბურგიშ უნივერსიტეტი
ბონიშ უნივერსიტეტი

ალმა-მატერი:

ბერლინიშ უნივერსიტეტი
მარტინ ლუთერიშ უნივერსიტეტი

ჯილდოეფი დო პრემიეფი:

რკინაშ ჯვარი (1870)
ჰიუიგენსიშ მენდალი (1870)
კოპლიშ მენდალი (1879)
პონსელეშ პრემია (1883)
ღრისებაშ ორდენი (პრუსია) (1888)
ლონდონიშ ომაფე ჯარალუაშ ურცხოალი მაკათური (1868)
შვედეთიშ მენცარობეფიშ ომაფე აკადემიაშ მაკათური (1878)
გერმანიაშ მენცარობეფიშ ერუანული აკადემია ლეოპოლდინაშ მაკათური (1880)
მენცარობეფიშ ერუანული აკადემიაშ მაკათური (1883)

ხეშმოჭარუა:

კლაუზიუსიქ, სადი კარნოშ ციკლიშ გიმორინაფათ, წჷმარინუ სიტიბაშ თეორიაშ გაუჯგუშებული ვერსია. კლაუზიუსიქ, მუში ომენცარე ნახანდის "სიტიბაშ ჸარაფული ნძალეფიშ გეშა" (ნამუქჷთ 1850 წანას გიშართჷ), წჷმარინუ თერმოდინამიკაშ მაჟირა კანონიშ ბაზისური იდეა, 1865 წანას მიშეღჷ ენტროპიაშ კონცეფცია დო 1870 წანას ვირიალიშ თეორემა.

კლაუზიუსი გურაფულენდჷ ფიზიკას დო მათემატიკას ბერლინიშ უნივერსიტეტის. უკულ გურაფა გაგინძორჷ მარტინ ლუთერიშ უნივერსიტეტის, სოდეთ 1848 წანას თხილუ ოდოქტორე დისერტაცია. დისერტაციაშ თემა ორხველუდჷ დიხაუჩაშ ატმოსფეროშ ოპტიკურ ეფექტეფს. გურაფაშ თებაშ უკულ კლაუზიუსი მუშენდჷ შხვადოშხვა ომენცარე ინსტიტუტეფს. 1850 წანას გინირთჷ ბერლინიშ ინჟინერიაშ დო არტილერიაშ ომაფე სკოლაშ პროფესორო დო ბერლინიშ უნივერსიტეტიშ პრივატ-დოცენტო. 1855-1867 წანეფს კლაუზიუსი მუშენდჷ ციურიხიშ ფედერალური ტექნოლოგიეფიშ ინსტიტუტის. 1867 წანას ომუშებუშა გინილჷ ვიურცბურგიშ უნივერსიტეტიშა დო 1869 წანას ბონიშ უნივერსიტეტიშა.

რუდოლფ კლაუზიუსი, 1870 წანას მონაწილენდჷ საფრანგეთ-პრუსიაშ ლჷმას, სოდეთ დიჭკირჷ.

კლაუზიუსიქ ღურუ 1888 წანაშ 24 მარაშინათუთას, 66 წანერქ.

კლაუზიუსი რდჷ ლონდონიშ ომაფე ჯარალუაშ, გერმანიაშ მენცარობეფიშ ერუანული აკადემია ლეოპოლდინაშ, მენცარობეფიშ ერუანული აკადემიაშ დო შხვა ორგანიზაციეფიშ მაკათური, თაშნეშე შხვადოშხვა საირქიანო პრემიეფიშ დო ჯილდოეფიშ ლაურეატი. კლაუზიუსიშ ჯოხონობაშ რე ართი კრატერი თუთას.

გიშნაგორა პუბლიკაციეფი რედაქტირაფა

რესურსეფი ინტერნეტის რედაქტირაფა