სალვადორ ედუარდ ლურია

სალვადორ ედუარდ ლურია (ინგლ. Salvador Edward Luria; იტალ. Salvatore Luria; დ. 13 მარაშინათუთა, 1912, ტურინი, იტალია — ღ. 6 ფურთუთა, 1991, ლექსინგტონი, მასაჩუსეტსი, ააშ) — იტალიარი-ამერიკალი მიკრობიოლოგი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის (1969).

სალვადორ ედუარდ ლურია
Salvador Edward Luria
დაბადებაშ თარიღი:

13 მარაშინათუთა, 1912

დაბადებაშ აბანი:

ტურინი, იტალია

ღურაშ თარიღი:

ფურთუთა 6, 1991 (78 წანერი)

ღურაშ აბანი:

ლექსინგტონი, მასაჩუსეტსი, ააშ

მენოღალობა:

იტალიაშ შილა იტალია (1912-1991)
ამერიკაშ აკოართაფილი შტატეფიშ შილა ააშ (1950-1991)

ომენცარე სფერო:

მოლეკულური ბიოლოგია

სამუშაშ აბანი :

კოლუმბიაშ უნივერსიტეტი
ინდიანაშ უნივერსიტეტი (ბლუმინგტონი)
ილინოისიშ უნივერსიტეტი (ურბანა-შამპეინი)
მასაჩუსეტსიშ ტექნოლოგიაშ ინსტიტუტი

ალმა-მატერი:

ტურინიშ უნივერსიტეტი

ჯოხოშინელი მოგურაფეეფი:

ჯეიმზ უოტსონი
ჯონ კაბატ-ზინი

ჯილდოეფი დო პრემიეფი:

ლუიზა გროს ჰორვიციშ პრემია (1969)
ნობელიშ პრემია ფიზიოლოგიას დო მედიცინას (1969)

ბიოგრაფია დო პროფესიული კარიერა რედაქტირაფა

სალვადორ ედუარდ ლურიაქ დებადჷ 1912 წანაშ 13 მარაშინათუთას, ტურინს, იტალიას, იტალიარი ურიეფიშ ფანიას. გურაფულენდჷ მედიცინას ტურინიშ უნივერსიტეტის, უკულ რადიოლოგიას რომიშ უნივერსიტეტის. 1938 წანას მიპალუ სტიპენდია დო ოკოდ გურაფა გაგინძორჷკო ამერიკას. ბენიტო მუსოლინიშ ფაშისტურ რეჟიმქ ურიეფს აკადემიური სტიპენდიეფიშ ნება ვემეჩჷ. ლურიაქ იტალიაშე საფრანგეთშა ინტუ დო მარსელს ამერიკაშ ვიზა გეჭოფუ დო ამერიკაშა მიდართჷ. ამერიკას, ენრიკო ფერმიშ ხეშშენწყუალათ, გურაფა გაგინძორჷ კოლუმბიაშ უნივერსიტეტის. ლურიაქ გეჩინებაფუ მაქს დელბრიუკი დო ალფრედ ჰერში დო თინეფწკჷმა ართო დიჭყჷ ექსპერიმენტეფიშ კეთება. დელბრიუკი-ლურიაშ ართ ექსპერიმენტიქ ოძირუ ნამდა გენეტიკურო ბაქტერიეფ მეჸუნს დარვინიშ პრინციპეფს დო ვართ ლამარკიშ. ორთაშობურ სელექციას უღუ დიდი ეფექტი ბაქტერიეფშო, მაგალთო, თინა ეთმონწყუნს, მუშენ ავითარენს ბაქტერია ანტიბიოტიკურ რეზისტენტულობას. სალვადორ ლურიაქ, დელბრიუკი დო ჰერშიწკჷმა ართო ძირუ დო დიგურუ ვირუსეფიშ რეპლიკაციაშ მექანიზმეფი დო გენეტიკური სტრუქტურა. ათე ექსპერიმენტეფიშ დო ნახანდეფიშ გეშა, სუმხოლო მენცარს გინოჩეს ნობელიშ პრემია 1969 წანას, ფიზიოლოგიაშ დო მედიცინაშ დარგის. სალვადორ ლურია 1943-1950 წანეფს მუშენდჷ ინდიანაშ უნივერსიტეტის, სოდეთ ლურიაშ სტუდენტი რდჷ ჯეიმზ უოტსონი, ნამუქით ძირუ დო დიგურუ დნბშ სტრუქტურა ფრენსის კრიკიწკჷმა ართო. 1950 წანას ლურიაქ გინორთჷ ილინოისიშ უნივერსიტეტიშა. 1959 წანაშე სალვადორ ლურია რდჷ მასაჩუსეტსიშ ტექნოლოგიური ინსტიტუტიშ მიკრობიოლოგიაშ კათედრაშ დირექტორი დო 1972 წანაშე კიბოშ ცენტრიშ დირექტორი. ღურჷ 6 ფურთუთას, 1991 წანას, ნოღა ლექსინგტონს, მასაჩუსეტსის.

პოლიტიკური აქტივიზმი რედაქტირაფა

სალვადორ ლურია აპროტესტენდჷ ატომური ანჯარიშ ტესტირებას დო რდჷ ვიეტნამიშ ლჷმაშ ოპონენტი.

ქოძირით თაშნეშე რედაქტირაფა

რესურსეფი ინტერნეტის რედაქტირაფა