სოდომიშ 120 დღა

სოდომიშ 120 დღა, ვარდა ლიბერტინაჟიშ სკოლა (ფრანგ. Les 120 Journées de Sodome ou l'école du libertinage) — მარკიზ დე სადიშ უთებუ რომანი, ნამუქჷთ იჭარჷ 1785 წანას დო გიშართჷ 1904 წანას. რომანი პორნოგრაფიული დო ეროტიკული ხასიათიში რე.

სოდომიშ 120 დღა, ვარდა ლიბერტინაჟიშ სკოლა
Les 120 Journées de Sodome ou l'école du libertinage
წინგიშ მაართა გიშაშქუმალაშ წოხოლენი ხასჷლა (1904 წანა)
ავტორი	მარკიზ დე სადი
ქიანა	საფრანგეთი
ნინა	ფრანგული ნინა
თემა	სადიზმი
ჟანრი	ეროტიკა, პორნოგრაფია
გჷშმაშქუმალარი	Club des Bibliophiles
გჷშაშქუმალაშ თარიღი	1904
oclc	942708954
ISBN	978-0141394343

რომანიშ სიუჟეტით ოთხი ლიბერტინი ადამიერი მეურს ართ-ართი ჯიხაშა, ნამუთ გერმანიაშ შვარცვალდიშ ტყას იდვალუაფჷ. თინეფს მუნეფიწკჷმა ართო მეჸუნა 36 ძღაბი დო ბოში, უმოსო თინეიჯერეფი დო ჯიხას, ოთხი თუთაშ რინაშ ბორჯის სექსუალურ დო სადისტურ ორგიეფს ონწყუნა.

მარკიზ დე სადი რომანს ჭარუნდჷ 1785 წანას, ჸათე პერიოდის თინა ბასტილიაშ ჯიხას ხედჷ. უკულ დე სადი შხვა ჯიხაშა გეგნიჸონეს, მალას ბასტილია რევოლუციონერეფქ გეჭოფეს დო მარკიზ დე სადიქ ნაჭარა დინაფილო მირჩქინჷ. მარა ნაჭარა დინაფილი ვა ჸოფე დო თიქ წინგო 1904 წანას გიშართჷ. მაეჩა ოშწანურას რომანქ პოპულარობა მიპალუ დო ითანგჷ ინგლისურ, გერმანულ, რუსულ, ესპანურ დო იაპონურ ნინეფშა.

რომანიშ სიუჟეტის რე გერსხილი იტალიარი რეჟისორიშ პიერ პაოლო პაზოლინიშ 1975 წანას გინოღალირი კინო-ფილმი სალო, ვარდა სოდომიშ 120 დღა.

რესურსეფი ინტერნეტის

• ფრანგული ტექსტიშ ინგლისური ვერსია
• McLemee, Scott. Sade, Marquis de (1740-1814). glbtq.com.