უმა კარუნა თურმანი (Uma Karuna Thurman; დ. 29 პირელი, 1970) — ამერიკალი კინოარტისტი დო ფოტომოდელი. ამდღარშა რსულებური აფუ როლეფი შხვადოშხვა ჟანრიშ ფილმეფს, მუჭოთ რომანტიკული კომედიეფს, თეში დრამატულ დო ომენცარე-ფანტასტიკურ ფილმეფს დო სანწალესიუჟეტიან თრილერეფს თებული. თიში საუჯგუშო ფილმეფო იკოხოცხუ „ოშქურანჯი რსხუეფი“ (1988), „მაკულატურა“ (1994), „გატაკა“ (1997) დო ჟირი ფილმი სერიაშე „დოჸვილი ბილი“ (2003–04).

უმა თურმანი

დაბადებაშ ჯოხო უმა კარუნა თურმანი
დაბადებაშ აბანიბოსტონი
დებადჷ 29 პირელი, 1970 (1970-04-29) (53 წანერი)
საქვარუა არტისტი, მოდელი
აკოქიმინჯალაშ წანეფი 1987–ასეშა
ალმასქუ(ეფი) გერი ოლდმენი (1990-1992)
ითან ჰოუკი (1998-2005)

ბიოგრაფია რედაქტირაფა

1980-იან წანეფს პროფესიონალი მოდელიშ კარიერაშ უკული 1988 წანას არტისტალა დიჭყჷ. თიში კარიერას შანულამი რდჷ ბეატრიქს კიდოშ როლი კვენტინ ტარანტინოშ ფილმეფს „დოჸვილი ბილი“. თურმანქ ათე ფილმის არსულჷ მოჭყუდუშ როლი, ნამუთ ნჯარს ეშეღანს თიში ჸოფილ ჸოროფილშე. ტარანტინოქ ათე პერსონაჟი სპეციალურო თურმანიშო ქიმინჷ. ათე პერსონაჟიშ ქიმინუაშ იდეა ჟირხოლოს ართო მურთესჷ „მაკულატურაშ“ გინოღალაშ ბორჯის. ფილმიშ გინოღალა თურმანიშ მოკათალაქ გახანგირძელჷ. გინოღალაქ 9 თუთას იგინძორჷ დო 5 ქიანას მიშჷ. თურმანქ ათე როლიშო იგურუ ოლჷმერი ხელუანუა დო იაპონური ნინა. „დოჸვილი ბილი“ საკულტო კლასიკათ გინირთჷ, კრიტიკოსეფქ თინა დადებითო აფასესჷ, თურმანქ მოჭყუდუშ როლიშო მიღჷ ორქოშ გლობუსიშ დო BAFTA-შ ნომინაციეფი.

ფილმოგრაფია რედაქტირაფა

წანა მარგალურო ოდაბადური ჯოხოდვალა როლი
1988 ბარონ მიუნჰაუზენიშ დუდსგინალი The Adventures of Baron Munchausen ქალღმერთი ვენერა
1988 ოშქურანჯი რსხუეფი Dangerous Liaisons სესილ დე ვოლანჟი
1994 მაკულატურა Pulp Fiction მია უოლასი
1997 გატაკა Gattaca ირენ კასინი
1999 გემუანი დო გოჯოგელი Sweet and Lowdown ბლანში
2003 დოჸვილი ბილი, ტომი 1 Kill Bill Volume 1 პატარძალი
2004 დოჸვილი ბილი, ტომი 2 Kill Bill Volume 2 ბეატრიქს კიდო
2013 ნიმფომანი Nymphomaniac მისის ჰ.

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: