ფანდიშ ჸუჯი
ფანდიშ ჸუჯი (ფრანგ. Baie de Fundy) — ჸუჯი ატლანტიშ ოკიანეს, ოორუე ამერიკაშ წყარპიჯიშ ღოზის, ობჟათეშე მენიშ ჸუჯი იდვალუაფუ. ფანდიშ ჸუჯისეშახე კანადაშ ჟირი პროვინცია ახალი შოტლანდია დო ნიუ-ბრანსუიკი, ჸუჯიშ ობჟათე ნორთი ააშ-იშ შტატიშ მენიშ წყარპიჯიშ ღოზი რე. კანკალე წყუშ ტკიცებათ „ფანდი“ ფრანგული ზიტყა „ფენდამშე“ მოურს დო თინა „გორთილს“ შანენს,[1] შხვა მოარზაფეფით თე ზიტყვა პორტუგალიური "ფონდოშე" მოურს.[2].
ფანდიშ ჸუჯიშ სიგჷრძა დოხოლაფირო 300 კილომეტრი რე, სიგანა — 90 კმ. ფანდიშ ჸუჯიშ ოშქაშე სიტომბა 214 მეტრი რე. ჸუჯიშ მუკი-მუკი რსებული არძაშე დიდი ონიშოლი რე — სენტ-ჯონი (ნიუ-ბრანსუიკი).
ფანდიშ ჸუჯის მიარე წყარმალუ ინმაკათუ, თინეფშე არძაშე შანულამი რე სენტ-კრუა დო სენტ-ჯონი.
ფანდიშ ჸუჯის არძაშე დიდი მერთა დო მორთა უჩქუ მოსოფელს. მერთა დო მორთაშ ბორჯის, ზუღაშ დონე შხვადოშხვანერი რე. მორიაშ სიდიდა 15,6-18 მეტრი რე.
სქოლიო რედაქტირაფა
- ↑ Canadian Encyclopedia.
- ↑ Slocum, Victor (1950). Capt. Joshua Slocum. New York: Sheridan House, 27–28 ხს.. ISBN 0-924486-52-X.