ფილიპინეფიშ გეოგრაფია

სახენწჷფო ფილიპინეფი რჩქალი ოკიანეს მადვალუ კინე თე ჯოხოდვალაშ არქიპელაგის იდვალუაფუ, ნამუთ მუშჸურე მალაიშ არქიპელაგიშ ნორთის წჷმარინუანს.

ფილიპინეფიშ ფიზიკური რუკა

პილიფინეფიშ არქიპელაგი 7107 უმოს კოკშე აკმოდირთუ, მარა ხვალე 2000 რე დოხორელი. თინეფშე არძაშე უდიდაში რე: ლუსონი, მინდანაო, სამარი, პანაი, პალავანი, ნეგროსი, მინდორო, ლეიტე. ლუსონიშ დო მინდანაოშ კოკეფი ქიანაშ ტერიტორიაშ 66% აკმადგინანს. არქიპელაგი პიჯურო სუმ თარ ბუნათ ირთჷნა: ლუსონი ოორუეშე, ვისაიასიშ კოკეფი ცენტრის დო მინდანაოშ კოკეფი ობჟათეშე.

არქიპელაგიშ სიგჷრძა ოორუეშე ობჟთეშა რე დოხოლაფირო 2000 კმ, ბჟადალშე ბჟაეიოლშა — 900 კმ.

კოკეფს ბჟადალშე ომძღჷ ობჟათე ჩინეთიშ ზუღა, ბჟაეიოლშე — ფილიპინიშ ზუღა, ობჟათეშე — სულავესიშ ზუღა, ოორუეშე -ფილიპინეფიშ კოკეფი კოკი ტაივანშე გიშართილი რე ბაშიშ საროტით. ოწყარპიჯე ღოზიშ სიგჷრძა 36,3 ვთშ. კმ. კოკეფიშ ედომუშამი ფართობი — 299,7 ვთშ. კმ².

უშხუაშ კოკეფიშ უმენტაშობას ვულკანური გოჭყაფა უღჷ. უშხუაში ოგვალე ჯაჭვი — კორდილიერეფი — კოკი ლუსონიშ ცენტრალურ დო ოორუე ნორთის იდვალუაფუ. უმაღალაში კონკა — ვულკანი აპო (არო) (2954 მ) კოკი მინდანაოს. ფილიპინეფი რჩქალოკიანურ ვულკანურ დაჩხირამ რგოლს იდვალუაფუ, კოკის მიარე მოქიმინჯე ვულკანი რე.

ფილიპინეფიშ უშხუაში წყარმალუ კაგაიანი იდვალუაფუ კოკი ლუსონს, ნამუშ სიგჷრძა რე 354 კმ. უშხუაში ტობა, ლაგუნა-დე-ბაი თაშნეშე კოკი ლუსონს იდვალუაფუ.

რესურსეფი ინტერნეტის რედაქტირაფა


  ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.