ქაბუს ბინ საიდ ალ საიდი

ქაბუს ბინ საიდ ალ საიდი (არაბ. قابوس بن سعيد آل سعيد‎‎; დ. 18 გერგობათუთა 1940 — ღ. 10 ღურთუთა, 2020) — ომანიშ სულთანი 1970 წანაშ 23 კვირკვეშე ღურაშახ, 2020 წანაშ 10 ღურთუთაშახ.

ქაბუს ბინ საიდ ალ საიდი
არაბ. قابوس بن سعيد آل سعيد‎‎
ქაბუს ბინ საიდ ალ საიდი არაბ. قابوس بن سعيد آل سعيد‎‎
ომანიშ 1-ა სულთანი
პოსტის გერინაშ ბორჯი
23 კვირკვე, 1970 – 10 ღურთუთა, 2020
წიმოხონიპოსტიქ გიჭყჷ
მონძეჰაითამ ბინ თარიქ ალ საიდი

პოსტის გერინაშ ბორჯი
23 კვირკვე – 9 მარაშინათუთა. 1970
წიმოხონისაიდ ბინ ტაიმური
მონძეტიტულქ გეუქვუ

ომანიშ 2-ა პრემიერ-მინისტრი
პოსტის გერინაშ ბორჯი
2 ღურთუთა, 1972 – 10 ღურთუთა, 2020

დუნაბადი18 გჷმათუთა, 1940
სალალა, ომანიშ შილა ომანი
ნაღურაღურთუთა 10, 2020 (79 წანერი)
ალ ალამიშ დოხორე, მასკატი, ომანი
ღურაშ ბაძაძიკიბოშ ლახარა
მენოღალობაომანიშ შილა ომანი
ერუანობაომანარი
მუმასაიდ ბინ თაიმური
ნანამაზუნ ალ-მაშანი
ალმასქუსაიდა კამილა
(დეგ. 1976; ჩეთ. 1979)
სქუალეფივაჸუნდჷ
ომენცარე ხარისხიკლასიკური მუსიკა
საქვარუაომანიშ სულთანი
რელიგიაისლამი, ჰარიჯიტი (იბადიტი)

ომანი აბსოლუტური მონარქია რე ქიანას მოქიმინჯე 1996 წანას მენაღებჷ კონსტიტუციაშ მეჯინათ. 1970 წანაშ თიში უდიდაშულობა სულთანი ქაბუსი, სახენწჷფოშ დო თარობაშ მადუდე რდჷ, ზუსტას თიშ ხეს რდჷ ნთელი ნებაგოქუნელობა. სულთანი ქიანაშ დუდთხილუაშ, ფინანსეფიშ დო გალენური საქვარეფიშ მინისტრი რდჷ დო დუდენდჷ ქიანაშ ცენტრალურ ბანკის. შხვა არაბული მონარქიული ქიანეფშე გინორთი, სოდე ქიანაშ ხეშულობა დორთილი რე ომაფე ფანიაშ მაკათურეფს შქას, ომანს ხეშულობა კონცენტრირაფილი რე სულთანიშ ხეს.

ქაბუსი მაფენდჷ 1970 წანაშ 23 კვირკვეშე 2020 წანაშ 10 ღურთუთაშახ, მუამუშიშ ხვისტაშე გითორაგვაფაშ უკული. თინა ალ-ბუსაიდეფიშ დინასტიაშ მა-14 წჷმმარინაფალი დო ზოხორინელი ომანიშ მაართა მონარქი რდჷ. ქაბუსიქ დებადჷ 1940 წანაშ 18 გერგობათუთას ნოღა სალალას, ომანიშ სიდიდათ მაჟირა ნოღას. თინა მუში მასქერეფიშ აკა ქომოლსქუა რდჷ. თიქ დაჭყაფური დო ოშქაშე გონათუა ომანს დო ინდოეთის მიღჷ, 16 წანაშ ხანს — გურაფაშ გოგჷნძარაფაშ ღანკით მიდართჷ გოართოიანაფილ ომაფეშა, სოდე მიღჷ უმაღალაში ოურდუმე გონათუა სენდჰასიშ ომაფე აკადემიას. მოგვიანაფათ ნინალენდჷ ბრიტანეთიშ ჯარს. ოურდუმე გონათუაშ მიღებაშ უკული გურაფა გაგჷნძორჷ ინგლისის. მოგვიანაფათ, შარალენდჷ მოსოფელს. ომანშა დორთინაშ უკული ჯგირო ქჷდიგურუ ისლამიშ დო ომანიშ ისტორია.

ხვისტაშა ეშულაშახ 6 წანაშ გოძვენას, ქაბუსი დინოხპატიმარობას რდჷ სალალაჰიშ ომაფე რეზიდენციას. 1970 წანას, ოურდუმეეფიშ მოხვარათ ქჷდარაგჷ მუამუშიშ ხეშულობა — თიქ ხვისტაშა გეშართჷ. ქაბუსის ხეშულობაშ ხეშა ეშაჸოთამას ხუჯის უკინანდჷ ბრიტანეთი. ხვისტაშა ეშულაშე ხეთე, თიქ გეგნორთჷ ქიანაშ ნანანოღა მასკატშა, დოთირუ ქიანაშ ჯოხო დო ქეგიოდჷ ომანიშ სასულთანე. მართუალაშ მაართა წანეფს ქაბუსიქ თიჯგურა პრობლემაშ წჷმი ქჷგედირთჷ, მუჭომით რდჷ ობჟათე იემენშე კომუნისტეფიშ მიშანტინაფა. თინეფიშ მაჩილითაფარო თის დიდი მოხვარა გუწჷ გოართოიანაფილი ომაფექ.

ქაბუსიშ ხვისტაშა ეშულაშ უკული, მიარექ დითირჷ ქიანაშ სოციალურ-ეკონომიკურ რინას. გეუჯგუშ ქიანაშ გონათუაშ დო სინთელუანობაშ სისტემაქ, გევითარჷ ნინალაშ სფეროშ დარგეფქ დო თ.უ. შანულამო მიძინჷ თიშ ოერეფოშქაშე ავტორიტეტიქ, გეუჯგუშ ურთიართობეფქ მეძობელ ფო მუსლიმანურ ქიანეფწკჷმა. ომანს მაჸალე ურთიართობეფი უღუ ააშ დო გოართოიანაფილ ომაფეწკჷმა. სულთანიშ დაბადებაშ დღა — 18 გერგობათუთა, ქიანას ეიშინუაფუ, მუჭოთ ერუანული დღახუ.

თიშ შხვა მეძობელეფშე გინორთი, ქაბუსის ვადუტებჷ მუში მონძეშ ჯოხო — ხვისტაშ ვაკანსიაშ შვანს, ქიანაშ კონსტიტუციაშ მა-6 ბირგულიშ მეჯინათ, მონძეს გიშმეგორჷნს მამართალ ფანიაშ სხუნუ.

ქაბუსი აბადიტი მუსლიმანი რდჷ. თიქ 1975 წანას დეგურგინჷ მუშ არხო მოჯგირეშა, ქამილშა, მარა თე გურგინუაქ ბედინიერქ ვეჸუ დო თინეფქ მალას დეთხუეს ართიანს. სულთანს თე გურგინუაშ მონძე ვაჸუნდჷ. თიქ მაჟირაშატ დეგურგინჷ, მარა რდჷ ინფორმაცია თიში ჰომოსექსუალობაშა გინორთიშ გეშა.

ლიტერატურა რედაქტირაფა

  • გ. ჭანტურია, ს. ჭანტურია - მსოფლიოს მონარქები, თბ., 2008 წ.