ყურდგელიშობურეფი
მენცარული კლასიფიკაცია
ომაფე: ჩხოლარეფი
ტიპი: ქორდიანეფი
კლასი: ბჟაშუმუეფი
რანწკი: ყურდგელიშნერეფი
ფანია: ყურდგელიშობურეფი
ლათინური ჯოხო
Leporidae
გვარეფი
თხილუაშ სტატუსი


სისტემატიკა
ვიკინერობეფს


სურათეფი
ვიკიოწკარუეს


ყურდგელიშობურეფი (ლათ. Leporidae) — ბჟაშუმუეფიშ ფანია ყურდგელიშნერეფიშ რანწკიშე. რსხულიშ სიგჷნძა 30-60 სმ, ყურდგელეფს უღჷნა ბოლომჷწოწვენდერელი, გჷნძე ჸუჯეფი, კუნტა კუდელი. გვარობეფიშ უმენტაშობას უკახალენი ბორკეფი წოხოლენშე გჷნძე უღუ. კუჩხიშ ნარჩეფი შხირი ძაგვარით რე ფორილი. ყურდგელეფი გოფაჩილი რე ედომუშამ დიხაუჩას, მადაგასკარიშ, ობჟათე ამერიკაშ ობჟათე ოლქეფიშ დო ანტარქტიდაშ მოხ. ყურდგელი ხე მიარეფერამ ორთას. აქტიური რენა ედომუშამ წანმოწანაშ გოძვენას. იდიარა ოდიარეს, ჭკომჷნა ჯაშ ნახვაცას, გვიგვილეფს, ნოჸელეფს. წანმოწანას 4-შა ხანა 2-8 (15-შახ) ერჩქის, ნამუეფიშ უმენტაშობაშ რსხული ბოწოწით აფუ ფორილი დო გილულათ შეულებჷნა. ყურდგელეფიშ ფანიას 8 გვარი რე. ჸოფილ სსრრ-ს ხედუ 5 გვარობაშ ყურდგელიშნერი: ბოცქვერი (Oryctolagus cuniculus), მანჯურიული ყურდგელი (Caprolagus brachyurus), ჩე ყურდგელი (Leporidae timidus), სისვი ყურდგელი (Leporidae europaeus), ყურდგელი-ტოლაი (Leporidae tolai). საქორთუოს ხვალე მუთმოფხვადჷნა 1 გვარობა (სისვი ყურდგელი). აკლიმატიზაფილი რე ავსტრალიას დო მიარე კოკის. ყურდგელიშობურეფიშ მიარე წჷმმარინფალი ორეწუე დო სპორტული ჯინუაშ ობიექტი რე. კანკალე გავალს მითმიორინუანს ოდიარუს, ხეხილიშ ბაღის, ტყაშ ნარგის, გჷთმოფაჩუნს ინფექციურ ლახარეფიშ გჷნმაღელეფს.

ყურდგელიშ ერჩქის კიკო ჯოხო.

ლიტერატურა რედაქტირაფა