ჯეიმზიშ ჸუჯი (ფრანგ. Baie James) — დიდი ჸუჯი ჰუდსონიშ ჸუჯიშ ობჟათეშე, კანადას. ჸუჯი წყარმალუეფიშ დო დიხაშგიმენი წყარებით ატლანტიშ ოკიანეს მითმიარსხუ. ჯეიმზიშ ჸუჯიშ წყარპიჯეფს გედგჷ კანადაშ ჟირი პროვინცია — ონტარიო დო კვებეკი. ჸუჯის ანდა მორჩილი კოკი რე, თაქ იდვალუაფუ თაშნეშე დიდი კოკი აკიმსკი. ყუჯიშ წყარპიჯიშ გოხოლუას გედგჷ ჰიდროელექტროდგჷმილი. ზოთონჯობათ ჯეიმზიშ ჸუჯი შხირას იჸინუ.

ჯეიმზიშ ჸუჯიშ ორენი ჰუდსონიშ ჸუჯის

თე ტერიტორიეფს უჯვეშაშ ბორჯიშე ოხორანჷ კანადარი აბორიგენი მახორობა. ჯეიმზიშ ჸუჯის მაართათ 1610 წანას მიოგორეს; თიშ მიმაგრაფალი ინგლისარი მეზუღე ჰენრი ჰუდსონი რდჷ. ჸუჯის ინგლისარი მეზუღეშ დო კაპიტნიშ ტომას ჯეიმზიშ ჯოხოქ გიადჷ.

ლიტერატურა რედაქტირაფა

  • Peter Dörrenbächer: Baie-James – Institutionalisierung einer Region. Wasserkraftnutzung in Nord-Quebec und die Entstehung regionaler Selbstverwaltungsstrukturen der Cree-Indianer. Saarbrücken 2003, ISBN 3-92452548-X