ჰარ გობინდ კორანა (ინგლ. Har Gobind Khorana, ჰინდი हर गोबिन्द खोराना, პენჯაბ. ਹਰਿ ਗੋਬਿੰਦ ਖੁਰਾਨਾ ; დ. 9 ღურთუთა, 1922, რაიპური, მულტანი, პენჯაბი, ბრიტანეთიშ ინდოეთი (ასეიან პენჯაბიშ პროვინცია, პაკისტანი) — ღ. 9 გერგობათუთა, 2011, კონკორდი, მასაჩუსეტსი, ააშ) — ინდოარი-ამერიკალი ბიოქიმიკოსი, გენეტიკური კოდიშ დო ცილეფიშ სინთეზის თიში როლიშ მენცარული რკვიებაშ გეშა გინოჩეს ნობელიშ პრემია ფიზიოლოგიაშ დო მედიცინაშ დარგის 1968 წანას (რობერტ ჰოლი დო მარშალ უორენ ნირენბერგიწკჷმა ართო). ჰარ გობინდ კორანა გურაფულენდჷ პენჯაბიშ უნივერსიტეტის, ლაჰორს. კორანაქ პენჯაბიშ უნივერსიტეტის მიპალუ მენცარობაშ ბაკალავრიშ ხარისხი 1943 წანას დო მაგისტრიშ ხარისხი 1945 წანას. პენჯაბიშ უნივერსიტეტიშ უკულ გურაფა გაგინძორჷ ლივერპულიშ უნივერსიტეტის, სოდეთ თხილუ ოდოქტორე დისერტაცია როჯერ ბირიშ ხემანჯღვერობათ 1948 წანას. გურაფაშ თებაშ უკულ ჰარ გობინდ კორანა მუშენდჷ შხვადოშხვა ომენცარე ინსტიტუტეფს: 1948-1949 წანეფს მუშენდჷ ციურიხიშ ფედერალური ტექნოლოგიეფიშ ინსტიტუტის, 1950-1952 წანეფს კემბრიჯიშ უნივერსიტეტის, 1952-1960 წანეფს ბრიტანეთიშ კოლუმბიაშ უნივერსიტეტის, 1960-1970 წანეფს ვისკონსინიშ უნივერსიტეტის (მადისონი) დო 1970-2007 წანეფს მასაჩუსეტსიშ ტექნოლოგიაშ ინსტიტუტის. ჰარ გობინდ კორანა რდჷ შხვადოშხვა პრემიეფიშ დო ჯილდოეფიშ ლაურეატი. 1978 წანაშე რდჷ ომაფე საზოგადოებაშ მაკათური. 1987 წანას კორანას გინოჩეს მენცარობაშ ერუანული მენდალი.

ჰარ გობინდ კორანა
ინგლ. Har Gobind Khorana
დაბადებაშ თარიღი:

9 ღურთუთა, 1922

დაბადებაშ აბანი:

რაიპური, მულტანი, პენჯაბი, ბრიტანეთიშ ინდოეთი (ასეიან პენჯაბიშ პროვინცია, პაკისტანი)

ღურაშ თარიღი:

გერგობათუთა 9, 2011 (89 წანერი)

ღურაშ აბანი:

კონკორდი, მასაჩუსეტსი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

მოლეკულური ბიოლოგია

სამუშაშ აბანი :

მასაჩუსეტსიშ ტექნოლოგიაშ ინსტიტუტი
ვისკონსინიშ უნივერსიტეტი (მადისონი)
ბრიტანეთიშ კოლუმბიაშ უნივერსიტეტი
კემბრიჯიშ უნივერსიტეტი
ციურიხიშ ფედერალური ტექნოლოგიეფიშ ინსტიტუტი

ალმა-მატერი:

პენჯაბიშ უნივერსიტეტი
ლივერპულიშ უნივერსიტეტი

ომენცარე ხემანჯღვერი:

როჯერ ბირი

ჩინებული რე მუჭოთ:

მაართა მენცარი, ნამუქჷთ აკეთჷ ცილაშ ბიოსინთეზის ნუკლეოტიდეფიშ როლიშ დემონსტრირება

ჯილდოეფი დო პრემიეფი:

დენი ჰაინემანიშ პრემია (1967)
რემსენიშ პრემია (1968)
ნობელიშ პრემია ფიზიოლოგიაშ დო მედიცინაშ დარგის (1968)
ალბერტ ლასკერიშ პრემია (1968)
ლუიზა გროს-ჰორვიციშ პრემია (1968)
პადმა ვიბჰუშანი (1969)
Golden Plate award (1971)
უილარდ გიბსიშ პრემია (1974)
გაირდნერიშ პრემია (1980)
მენცარობაშ ერუანული მენდალი (1987)

რესურსეფი ინტერნეტის რედაქტირაფა