Android ვერსიეფიშ ისტორია

Android — დუდიშული ოპერაციული სისტემა მობილურ ტელეფონეფშო, პლანშეტურ კომპიუტერეფშო, ჭკვერ სათეფშო, ტელევიზორეფშო დო სმარტბუქეფშო, ნამუთ გჷმირინუანს Linux-იშ გვირზილს დო ნამუშ შემმუშებელი რე Open Handset Alliance დო Google-შ დორხველუას რე. 2008 წანაშ ეკენიაშე, პირველ ვერსიაშ გიშულაშე ასეშა სისტემაქ 40 გოახალაფა მიღჷ. თე გოახალაფეფი, მუჭოთ წესი, რე გეგორაფილი ჩილათეფიშ გიშათინუა დო სისტემაშა ახალი ფუნქციეფიშ გეძინა.

დუდშე Google-ის ულამუდჷ Android-იშ ვერსიეფშა ჩინებული რობოტეფიშ ჯოხოეფიშ გედვალა, მარა ივარუ საავტორე ნებეფიშ პრობლემეფიშ გეშა. Android 1.5 ვერსიაშე დოჭყაფილი, სისტემაშ ირ ვერსია, ღებულენს დორხველ კოდურ ჯოხოს გემუანობეფიშ თემაშ მეჯინათ. კოდური ჯოხოეფი მითმიაჩამჷნა ლათინური ანბანიშ გემაჸვენჯობაშ მეჯინათ. Android 10-იშ ვერსიაშე დოჭყაფილი, მობილური ოპერაციული სისტემა კოდურ ჯოხოს ღებულენს ხვალე შემუშებაშ ბორჯის. Android 3.1 ვერსიაშე დოჭყაფილი, გოახალაფეფი გიშმეშას იჸი 6 თუთაშე ართშა.

თაშნეშე რდჷ Android 3.0 ვერსია კოდური ჯოხოთ Honeycomb, ნამუქჷთ გიშართჷ სპეციალურო კაბეტ ეკრანამ მონწყილობეფშო, სამანგათ პლანშეტეფშო. მოჩამილ ვერსიას ძალამ უწაიათ აქტუალობაქ მეუდინჷ თიმ ბორჯიშო კაბეტ ეკრანამი მონწყილობეფიშ მერკეობაშ გეშა, ათეშენ 2012 წანას თე ვერსიაშ აზარაქ გეთჷ.[1]

Android-იშ ოპერაციული სისტემაშ ეკონია ვერსია რე — Android 12.1, ნამუქჷთ გიშართჷ 2022 წანაშ 7 მელახის.

მინიმალური აზარა — Android KitKat.

არძაშე პოპულარული ვერსია — Android 11 (Red Velvet Cake) (28,3%).

2021 წანაშ 27 ეკენიას, Google-ქ Android Honeycomb ვერსიაშ გიმე მოჯვეშაფილი ვერსიეფიშ მახვარებუეფიშ ანგარიშეფი დოკილჷ.[2]

რესურსეფი ინტერნეტის რედაქტირაფა

სქოლიო რედაქტირაფა

  1. {citeweb|url=http://habrahabr.ru/post/113951/ |title=Android Ice Cream объединит Honeycomb для планшетов и Gingerbread для телефонов |date=17 февраля 2011 года |publisher=Хабрахабр |lang=ru |accessdate=2011-02-17}}
  2. {citeweb|url=https://support.google.com/android/thread/118703101/%7Ctitle=Sign-in on Android devices running Android 2.3.7 or lower will not be allowed starting September 27|date=27 июля 2021 года|publisher=Google Support Center|lang=en|accessdate=2021-08-17}}