სტეფან ბანახი
სტეფან ბანახი (პოლ. Stefan Banach; დ. 30 მელახი, 1892, კრაკოვი, ავსტრია-უნგრეთიშ იმპერია (ასეიან პოლონეთი) — ღ. 31 მარაშინათუთა, 1945, ლვოვი, უკრაინაშ სსრ, სსრრ) — პოლონარი მათემატიკოსი, ფუნქციონალური ანალიზიშ დუმარსხუაფალი, XX ოშწანურაშ ართ-ართი უდიდაში მათემატიკოსი დო XX ოშწანურაშ მათემატიკაშ ართ-ართი თარი ფიგურა. ბანახიშ თარი მენცარული ნახანდი რე Théorie des opérations linéaires (ღოზოვანი ოპერაციეფიშ თეორია), ნამუთ ბანახიქ გჷმაბჟინუ 1932 წანას. ბანახი რდჷ ლვოვიშ მათემატიკაშ სკოლაშ მაკათური.
| სტეფან ბანახი | |
| პოლ. Stefan Banach | |
 | |
| დაბადებაშ თარიღი: | |
|---|---|
| დაბადებაშ აბანი: |
კრაკოვი, ავსტრია-უნგრეთიშ იმპერია (ასეიან პოლონეთი) |
| ღურაშ თარიღი: |
მარაშინათუთა 31, 1945 (53 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
რჩქინაშ პოლონური აკადემიაშ მაკათური |
სტეფან ბანახი გურაფულენდჷ კრაკოვიშ გიმნაზიას. უკულ გურაფა გაგინძორჷ ლვოვიშ პოლიტექნიკურ უნივერსიტეტის. გურაფაშ თებაშ უკულ მუშენდჷ დიო პოლიტექნიკურ უნივერსიტეტის დო უკულ ლვოვიშ უნივერსიტეტის. ბანახი რდჷ პოლიტექნიკური უნივერსიტეტიშ მათემატიკაშ პროფესორი დო ლვოვიშ უნივერსიტეტიშ ფიზიკა-მათემატიკაშ ფაკულტეტიშ დეკანი. 1920-იან წანეფს ბანახიქ, შხვა მათემატიკოსეფიწკჷმა ართო, დარსხუ ლვოვიშ მათემატიკაშ სკოლა. მაჟირა მოსოფელიშ ლჷმაშ ბორჯის ბანახი მუშენდჷ რუდოლფ ვაიგლიშ ტიპიშ რკვიებაშ დო ვირუსოლოგიაშ ინსტიტუტის. შტეფან ბანახიქ ღურუ 1945 წანაშ 31 მარაშინათუთას, ფიჟვიშ კიბოთ. ბანახი რდჷ პოლონეთიშ რჩქინაშ აკადემიაშ მაკათური. 1992 წანას პოლონეთიშ მენცარობეფიშ აკადემიაშ მათემატიკაშ ინსტიტუტიქ დარსხუ სტეფან ბანახიშ ჯოხონობაშ მენდალი.
რესურსეფი ინტერნეტის რედაქტირაფა
- ბიოგრაფიული ფაქტეფი
- სტეფან ბანახიშ ნახანდეფი Archived 2022-03-21 ვებ-ხასჷლას Wayback Machine.