სუმარო მითოღალირი გოლიშ წესი
სუმარო მითოღალირი გოლიშ წესი რე ოკუჩხბურთე ნირზებაშ წესი დო თინა გჷმირინუაფუ თი სიტუაციას, მუჟამცჷთ ჟირი აწმარენჯი აკმოხვადუ ართიანც (ფლეი-ოფიშ სტადიას) დო ჟირმატჩამ აკოხვამილაფეფც ვა კილმარჩქინდუ გომორძგვილი (ილაჸაფინუაფუ ფრე) ანუ ჟირი მატჩის მითმუღუნა ართიანსხი გოლეფი. თე შვანც ქიმინჯენც თე წესი, ნამუდგაშ ალებათ ჯგვინა ერზიებჷ თი ბუნას დო გიშმურც გეჸვენჯი ეტაპშა, ნამუქუთ უმოსი გოლი მითიღჷ "სუმარო" ანუ მონირზე ბუნაშ მოედანც. თი შვანც, მუჟამცჷთ სუმარო მითოღალირ გოლეფიშ მუდანობათ ართიანზმა რენ, თე ბორჯის ლაჸაფი გინმურც გეძინელ ბორჯიშა, სოდეთ უკვე ვა ქიმინჯენც თე წესი. გომორძგვილქ თაქჷთ ვა კჷლარჩქინდჷ-და, თიწკჷმა იშანუაფუ ვითაართმეტრამეფიშ სერია, სოდეთ გჷმორჩქინდუ გომორძგვილი.