ტექნოლოგიაშ დო ინოვაციაშ ერუანული მენდალი
ტექნოლოგიაშ დო ინოვაციაშ ერუანული მენდალი (ინგლ. National Medal of Technology and Innovation; ორდოიან ჯოხოდვალა - National Medal of Technology) — ჯილდო, ნამუსჷთ ააშ-იშ პრეზიდენტი გინმოჩანს გჷმმაგონებელეფს დო ინოვატორეფს, ნამუეფს აფუ მიშნაღელი კაბეტი კონტრიბუცია ახალი ტექნოლოგიეფიშ გოვითარაფაშა. ჯილდოქ შილებე მიაჩას ართ ადამიერს, ადამიერეფიშ ბუნას, თაშნეშე ორგანიზაციეფს დო კორპორაციეფს ხოლო. ტექნოლოგიაშ ერუანული მენდალი დარსხუ ააშ-იშ კონგრესიქ, 1980 წანას. ტექნოლოგიაშ დო ინოვაციაშ ერუანული მენდალიშ ლაურეატეფი რენა გიშარჩქინელი ინოვატორეფი: სტივ ჯობსი, სტივ უოზნიაკი, რობერტ ნოისი, კლარენს ჯონსონი, სტენლი ნორმან კოენი, ჯეკ კილბი, ბილ გეიტსი, პოლ ბერენი, ტომას ჯეიმს ფოგარტი დო შხვეფი. თაშნეშე კომპანიეფი დო კორპორაციეფი: Amgen, Johnson & Johnson, Xerox, DuPont, IBM დო შხვეფი. 2005 წანაშ მუნაჩემეფით მენდალი გინოჩამილი რე 135-შე უმოსი ადამიერიშა დო 12 კომპანიაშა.
