ტიბეტიშ ავტონომიური რეგიონი
ტიბეტიშ ავტონომიური რეგიონი (ტარ), თაშნეშე ჩინებული რე მუჭოთ ქსიზანგიშ ავტონომიური რეგიონი (ტიბ. བོད་རང་སྐྱོང་ལྗོངས་; ლექინ ჩინურო 西藏自治区; ტრადიციულ ჩინურო 西藏自治區), ავტონომიური რეგიონი ჩინეთიშ ბჟადალ ნორთის, ნამუქჷთ აკიქიმინჷ 1965 წანას.
_(%2Ball_claims_hatched).svg)
ტიბეტიშ ავტონომიური რეგიონი იკათუანს ისტორიული ტიბეტიშ ხვალე ნორთის. ტარ ჩინეთის სიდიდათ მაჟირა რეგიონი რე. ავტონომიური რეგიონიშ ადმინისტრაციული ცენტრი დო უდიდაში ნოღა რე ლჰასა. ტარიშ მახორობა რე 3,002,166 ადამიერი (2010) დო თინეფიშ უმენტაშობას აკმადგინანა ეთნიკური ტიბეტარეფი. ფართობირე 1,200,000 კვადრატული კილომეტრი დო ჩინეთის ართ-ართი არძაშე უდუხორუ რეგიონი რე.
ისტორია
რედაქტირაფა1912–1950 წანეფს, აასეიანი ტიბეტიშ ავტონომიური რეგიონიშ ტერიტორია (უ-ცანგი დო ბჟადალი კამი) იმართუდჷ ტიბეტიშ თარობაშით დალაი-ლამაშ დუდალათ. ეთნო-კულტურული ტიბეტიშ დოსქილადირი ნორთი, – ბჟაეიოლი კამი დო ამდო, – ტიბეტიშ თარობას XVIII ოშწანურაშ შქა ხანეფშე ვამორჩილუდჷ;[1] ასე თე ტერიტორიეფი გინორთილი რე ცინხაიშ, განსუშ, სიჩუანიშ დო იუნანიშ პროვინციეფშა.
სქოლიო
რედაქტირაფა- ↑ Grunfeld, A. Tom, The Making of Modern Tibet, M.E. Sharpe, გვ. 245. (ინგლისური)
რესურსეფი ინტერნეტის
რედაქტირაფა
- ტიბეტიშ ავტონომიური რეგიონიშ ოფიციალური ხასჷლა Archived 2010-05-10 ვებ-ხასჷლას Wayback Machine. .
- ტიბეტიშ ავტონომიური რეგიონიშ ეკონომიკური პროფილი HKTDC-ს.
|
თე სტატია გეოგრაფიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |