ტომას ჰანტ მორგანი (ინგლ. Thomas Hunt Morgan; დ. 25 ეკენია, 1866, ლექსინგტონი, კენტუკი, ააშ — ღ. 4 ქირსეთუთა, 1945, პასადენა, კალიფორნია, ააშ) — ამერიკალი ბიოლოგი, ემბრიოლოგი დო გენეტიკოსი, გენეტიკაშ ართ-ართ დუმარსხუაფალი, ნობელიშ პრემიაშ ლაურეატი ფიზიოლოგიაშ დო მედიცინაშ დარგის (1933). მორგანს ოინტერესჷდჷ გრეგორ მენდელიშ იდეეფ დო დიჭყჷ დროზოფილეფიშ გენეტიკურ სტრუქტურეფიშ დოგურაფა. მუშ შინელ ჭანდეფიშ ლაბორატორიას, კოლუმბიაშ უნივერსიტეტის, მორგანქ აკეთჷ თიშ დემონსტრირაფა, ნამდა გენეფი ქრომოსომეფს გინმუღუდჷ დო თინა რდჷ თარი გენეტიკური მასალა. მორგანიშ ექსპერიმენტეფს დო ნახანდეფს უკულ ასეიან გენეტიკაშ მენცარობაქ ქიგიარსხუ.

ტომას ჰანტ მორგანი
ინგლ. Thomas Hunt Morgan
დაბადებაშ თარიღი:

25 ეკენია, 1866

დაბადებაშ აბანი:

ლექსინგტონი, კენტუკი, ააშ

ღურაშ თარიღი:

ქირსეთუთა 4, 1945 (79 წანერი)

ღურაშ აბანი:

პასადენა, კალიფორნია, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

გენეტიკა, ემბრიოლოგია

სამუშაშ აბანი :

ბრინ-მარიშ კოლეჯი
კოლუმბიაშ უნივერსიტეტი
კალიფორნიაშ ტექნოლოგიაშ ინსტიტუტი

ალმა-მატერი:

კენტუკიშ უნივერსიტეტი
ჯონ ჰოპკინზიშ უნივერსიტეტი

ჯოხოშინელი მოგურაფეეფი:

ნეტი სტივენსი
ჯონ ჰოვარდ ნორთროპი
ჰერმან ჯოზეფ მალერი
კელვინ ბრიჯესი
ალფრედ სტიურტევანტი
ჩესტერ ბლისი
ტან ცზიაჩჟენი

ჯილდოეფი დო პრემიეფი:

მენცარობაშ ერუანული აკადემიაშ მაკათური (1909)
ომაფე საზოგადოებაშ მაკათური (1919)
ნობელიშ პრემია ფიზიოლოგიას დო მედიცინას (1933)
კოპლიშ მენდალი (1939)

ხეშმოჭარუა:

ბიოგრაფია დო პროფესიული კარიერა რედაქტირაფა

ტომას ჰანტ მორგანი გურაფულენდჷ კენტუკიშ სახენწჷფო კოლეჯის (ასეიან კენტუკიშ უნივერსიტეტი), უკულ ჯონ ჰოპკინზიშ უნივერსიტეტის, სოდეთ ზოოლოგიას გურაფულენდჷ. 1890 წანას მორგანქ მიპალუ ფილოსოფიაშ დოქტორიშ ხარისხი (Ph.D.). 1890 წანაშე ტომას მორგანი ბრინ-მარიშ კოლეჯიშ ასოცირებული პროფესორი დო ბიოლოგიაშ დეპარტამენტიშ დირექტორი რე. 1904 წანას მორგანქ კოლუმბიაშ უნივერსიტეტიშა გინილჷ დო დიჭყჷ მუშობა ექსპერიმენტალურ ზოოლოგიაშ პროფესორო. ტომას ჰანტ მორგანიშ ინტერესეფიშ სფერო რდჷ: გენეტიკა, ევოლუცია, მუტაციეფი, კროსინგოვერი. 1928 წანაშე მორგანი რე კალიფორნიაშ ტექნოლოგიაშ ინსტიტუტიშ ბიოლოგიაშ დეპარტამენტიშ დირექტორი. ტომას ჰანტ მორგანი რდჷ შხვადოშხვა პრესტიჟული ორგანიზაციეფიშ მაკათური. 1927-1931 წანეფს მორგანი მუშენდჷ ამერიკაშ მენცარობაშ ერუანულ აკადემიაშ პრეზიდენტო, 1930 წანაშე რდჷ ამერიკაშ მენცარობაშ ასოციაციაშ პრეზიდენტი. 1919 დო 1930 წანეფს რდჷ ნომინირაფილი ნობელიშ პრემიაშა, 1933 წანას გინოჩეს ნობელიშ პრემია ფიზიოლოგიაშ დო მედიცინაშ დარგის. 1924 წანას მორგანქ მიპალუ დარვინიშ მენდალი. 1939 წანას ომაფე საზოგადოებაქ მორგანს გინოჩ კოპლიშ მენდალი. 1942 წანას ტომას ჰანტ მორგანქ პროფესიულ კარიერა გათუ, მარა ლაბორატორიულ მუშობა ვემუტებჷ. უკულ ხოლო გურაფულენდჷ სექსუალურ დიფერენციაციას, რეგენერაციას დო ემბრიოლოგიას. ღურჷ 1945 წანას, 79 წანერქ.

პერსონალური რინა რედაქტირაფა

ტომას ჰანტ მორგანიშ ოსური რდჷ ლილიან ვოგან მორგანი (1870-1952), პროფესიათ ბიოლოგი. ლილიან ვოგანი მუშ ქომონჯის ოხვარუდჷ დო თიშ ნახანდეფშა დიდი თია მიშეღჷ. ჸუნდეს ოთხი სკუა, არძოშე უმოსო შინელი რდჷ იზაბელ მორგანი (1911-1996), ნამუთ რდჷ ვირუსოლოგი ჯონ ჰოპკინზიშ უნივერსიტეტის დო პოლიომელიტის გურაფულენდჷ.

რესურსეფი ინტერნეტის რედაქტირაფა

  • Allen, Garland E. (1978). Thomas Hunt Morgan: The Man and His Science. Princeton University Press. 
  • Kohler, Robert E. (1994). Lords of the Fly: Drosophila Genetics and the Experimental Life. University of Chicago Press. 
  • Shine, Ian B (1976). Thomas Hunt Morgan: Pioneer of Genetics. University Press of Kentucky. 

რესურსეფი ინტერნეტის რედაქტირაფა